លោក Elon Musk បានបញ្ចេញប្រតិកម្មជាមួយសារខ្លីមួយ ដើម្បីប្រឆាំងទៅនឹងកាសម្រេចចិត្តរបស់ Wikipedia ក្នុងការរឹតបន្តឹងលើការកែសម្រួលអត្ថមួយ ដែលនិយាយអំពីវិបត្តិសេដ្ឋកិច្ច។ ការដែល Wikipedia មិនឱ្យមានការកែប្រែអត្ថបទវិបត្តិសេដ្ឋកិច្ចនៅលើគេហទំព័ររបស់ខ្លួននេះ បានធ្វើឡើងបន្ទាប់ពីមានជនមិនស្គាល់មុខ ចូលទៅកែប្រែពាក្យពេចន៍មួយចំនួន ធ្វើឱ្យមានការយល់ច្រឡំ និងថែមទាំងបានលុបប្រភពសំខាន់ៗ អស់ជាច្រើនទៀតផង។

ក្រោយឃើញដូច្នេះ Wikipedia បានសម្រេចថាបិទអត្ថបទនេះ មិនឱ្យមានអ្នកណាម្នាក់ ចូលទៅកែប្រែបានទៀតឡើយ។ យ៉ាងណាមិញចំពោះការសម្រេចចិត្តនេះ បានធ្វើឱ្យមនុស្សជាច្រើនរិះគន់ចំៗទៅ Wikipedia។ ក្នុងនោះដែល Elon Musk ក៏បានបោះពាក្យសម្ដីមួយទៅកាន់លោក immy Wales ស្ថាបនិក Wikipedia ពេលនេះគេហទំព័ររបស់លោក កំពុងប្រាស់ចាកវត្ថុបំណងហើយ។

គូសបញ្ជាក់ថា បញ្ហាវិបត្តិសេដ្ឋកិច្ចនេះ កំពុងក្លាយជាប្រធានបទយ៉ាងក្ដៅគគុកមួយ ដែលមនុស្សទូទាំងសាកលលោកតាមដានយ៉ាងយកចិត្តទុកដាក់បំផុត ខណៈអតិផរណា ក៏កំពុងកើនឡើងពីមួយសប្ដាហ៍ ទៅមួយសប្ដាហ៍ខ្លាំងដូចគ្នា។

អត្ថបទដោយ៖ ផែន ផាន់ណា