កាលពីកន្លងទៅនេះ Apple បានប្រកាសមុខងារថ្មី Digital IDs ជាផ្លូវការនៅក្នុងព្រឹត្តិការណ៍ធំរបស់ខ្លួននៅក្នុងWWDC 2025 (Worldwide Developers Conference 2025) តាំងពីខែមិថុនា ឆ្នាំ ២០២៥ វាជាផ្នែកមួយនៃមុខងារថ្មីដែលនឹងមកដល់ក្នុងប្រព័ន្ធ iOS 26 (សម្រាប់ iPhone) ដែលមានភ្ជាប់ជាមួយកម្មវិធី Apple Wallet។
យោងតាមគេហកទំព័រផ្លូវការរបស់ Official TSA information on digital Ids បានប្រាប់ឲ្យដឹងថា អ្នកអាចប្រើមុខងារលិខិតឆ្លងដែនឌីជីថលនេះក្នុង Apple Wallet ដើម្បីសម្រួលការត្រួតពិនិត្យអត្តសញ្ញាណនៅពេលហោះហើរក្នុងស្រុក (Domestic Flights) តែនៅក្នុងសហរដ្ឋអាមេរិក (USA) ប៉ុណ្ណោះ។ សម្រាប់ការហោះហើរទៅក្រៅប្រទេស អ្នកនៅតែត្រូវបង្ហាញលិខិតឆ្លង (Passport) របស់អ្នកដដែល។ ហើយនេះជាឱកាសតេស្តសាកល្បងដ៏ល្អមួយសម្រាប់អ្នករស់នៅសហរដ្ឋអាមេរិក និងប្រជាជនអាមេរិក។
លិខិតឆ្លងដែនក្នុង iPhone នេះ គឺជាគ្រាន់តែជាជំនួយការតែប៉ុណ្ណោះ មិនមែនជាលិខិតឆ្លងដែនពិតប្រាកដដែលអាចជំនួសបាននោះទេ អ្វីដែលវាអាចធ្វើបាននោះគឺ (សម្រាប់តែអ្នកកាន់លិខិតឆ្លងដែនអាមេរិក) មានន័យថា នៅអាមេរិក៖ វាជួយអ្នកឲ្យឆ្លងកាត់កន្លែងឆែកឆេរ TSA (កន្លែងសន្តិសុខនៅព្រលានយន្តហោះ) ពេលអ្នកហោះហើរក្នុងប្រទេស បានលឿនជាងមុន ដោយគ្រាន់តែប្រើ iPhone។
សម្រាប់អត្តសញ្ញាណបណ្ណឌីជីថល (Digital IDs) មានតែ ១១ រដ្ឋប៉ុណ្ណោះដែលផ្ដល់អត្តសញ្ញាណបណ្ណឌីជីថលនៅសហរដ្ឋអាមេរិក អត្តសញ្ញាណបណ្ណឌីជីថលនេះត្រូវបានបង្កើតឡើងលើការបញ្ចូលបណ្ណបើកបរ (driver’s license) ទៅក្នុងកម្មវិធី Wallet ។ ខាងក្រោមនេះជាតារាងទីតាំងដែលអនុញ្ញាតឲ្យប្រើ Digital Ids៖
គូសបញ្ជាក់ផងដែរថា នេះជាការធ្វើដំណើរផ្លូវអាកាសកាន់តែងាយស្រួលហើយជាមួយនឹង ប័ណ្ណបើកបរចល័ត (mDL) ឬ អត្តសញ្ញាណប័ណ្ណដែលបានរក្សាទុកក្នុងកាបូបឌីជីថល (Digital Wallet) របស់ទូរស័ព្ទអ្នក ឬក្នុងកម្មវិធីរបស់ភាគីទីបី នោះអ្នកអាចឆ្លងកាត់កន្លែងត្រួតពិនិត្យ TSA ចំនួន ២៥០ កន្លែង បានយ៉ាងរហ័ស និងមានសុវត្ថិភាពជាងមុនទៅ។
