កម្ពុជា ជាប្រទេសដែលកំពុងអភិវឌ្ឍន៍ក៏ពិតមែន ប៉ុន្តែបើនិយាយការពេញនិយមជិះឡាន គឺថាមិនចាញ់ប្រទេសជិតខាង ឡើយ ជាក់ស្តែងក្រុមហ៊ុននាំចូលឡានថ្មី មានការកើនឡើងគួរឲ្យចាប់អារម្មណ៍យ៉ាងខ្លាំង ហើយឡានដែលអាចទាក់ចិត្តប្រជាជនខ្មែរ និងនិយមទិញជិះច្រើននោះ គឺមានតែ ៣ម៉ូដែលនេះ រួមមាន៖ Ford Ecosport, Toyota Raize និង SsangYong Tivoli ។
ឡានទាំងនេះ មានការពេញនិយមខ្លាំងពីសំណាក់ប្រជាជនខ្មែរ គឺដោយសារ ទី១ មានរូបរាងស្អាត ខ្នាតល្មម ងាយស្រួលជិះទៅតាមខេត្ត និងក្នុងទីក្រុង អ្វីដែលគួរឲ្យចាប់រម្មណ៍ជាងនេះទៅទៀតគឺទៅលើតម្លៃ គឺថាសមរម្យខ្លាំងមែនទែន មិនដល់ ៣ម៉ឺនដុល្លារនោះទេ ។
Ford Ecosport
ឡាននេះ ទទួលបានប្រិយភាពខ្លាំងមែនទែនពីសំណាក់អ្នករស់នៅទីក្រុងភ្នំពេញ និងតាមបណ្តាខេត្ត ដោយសារទំហំឡាននេះតូចល្មមអាចដាក់ ជិះបានលក្ខណ:គ្រួសារ ៥ នាក់ ហើយកម្លាំងរបស់ម៉ាស៊ីនតូចល្មម ១២៥សេះ ប្រើប្រអប់លេខអូតូ ៦វគ្គ ស្រួលបើកបរ ស៊ីសាំងតិច ចាក់១លីត្រអាចរត់បានចម្ងាយ ១៥គ.ម តែចំពោះ ១០០គ.ម ស៊ីសាំងខ្ទង់ ៦.៧លីត្រ ចំណែកឯតម្លៃវិញខ្ទង់ 27xxxដុល្លារប៉ុណ្ណោះ ។
Toyota Raize
ឡាន Toyota Raize ជាម៉ូឌែលថ្មីនេះ រស់ Toyota ដែលមានរូបរាងស្អាត សាកសមនឹងមនុស្សសម័យថ្មី ព្រមទាំងមានបំពាក់នូវ Option ជាច្រើនដែលទំនើបៗ និងបច្ចេកវិទ្យាចុងក្រោយថ្មីៗ ថែមទៀតផង ។
ហើយចំពោះម៉ាស៊ីនរបស់ Raize 2022 នេះ ត្រូវបាន Toyota ផលិតចេញមកយ៉ាងពិសេសសម្រាប់ស្រុកខ្មែរ ដោយមានម៉ាស៊ីនសាំង 1.0L Turboមានស៊ីឡាំង ៣ ប្រើប្រអប់លេខ 7 វគ្គអូតូ ថែមទាំងមានកម្លាំង ៩៨ សេះ កម្លាំងរមួល ១៤០ ញូតុនម៉ែត្រ ហើយមានមុខងារសន្សំសំចៃខ្ពស់ដោយជិះចម្ងាយ ១០០ គីឡូម៉ែត្រ ស៊ីសាំង ៥ - ៦លីត្រទេ ហើយតម្លៃវិញសម្រាប់ដំបូលពណ៌ធម្មតា ២៦៨០០ដុល្លារ តែសម្រាប់ឡានដំបូលពណ៌ខ្មៅវិញ ២៧២០០ដុល្លារ។
Ssangyong Tivoli
ឡាននេះជាប្រភេទ SUV ស៊េរីថ្មី ២០២២ មានផ្ទៃខាងក្នុងធំទូលាយល្អ អាចផ្ទុកចំនួនមនុស្សបានច្រើននាក់ រួមទាំងប្រើជាមួយនឹងម៉ាស៊ីនសាំង 1.5 L GDI-Turbo ដែលជាបច្ចេកវិទ្យារបស់ប្រេនឡានទំនើបមកពីអាល្លឺម៉ង Mercedes-Benz ។ ហើយចំពោះកម្រិតស៊ីសាំងឡាននេះដែរ អាចរត់ចម្ងាយ 100 Km ស៊ីសាំង តែ ៧.៥លីត្រ តែប៉ុណ្ណោះ អាស្រ័យលើស្ថានភាពផ្លូវ និងកម្រិតនៃការបើកបរ ហើយតម្លៃរថយន្តនេះ 29xxដុល្លារ។
គួរជំរាបផងដែរ សម្រាប់ឡានបកកេស ៣ម៉ូដែលខាងលើនេះ គឺមានលក់នៅស្រុកខ្មែរស្រាប់ ហើយបងប្អូនប្រសិនជាចាប់រម្មណ៍អាចទាក់ទងទៅកាន់ហ្វ៊េសបបុកផេកតាមរយ:ក្រុមហ៊ុននីមួយៗ របស់ប្រេនយីហោឡានទាំង ៣ខាងលើបាន៕
អត្ថបទដោយ៖ ព្រឹម ភក្តី
