Text to Audio

សម្រាប់ Shortcuts មួយនេះគឺអាចជួយឲ្យអ្នកទាំងអស់គ្នា​ធ្វើការបំប្លែងពីអក្សរទៅជាសំឡេងវិញដោយមិនចាំបាច់ចូលទៅប្រើប្រាស់នៅលើវេបសាយ​នោះទេ។ សម្រាប់ការប្រើប្រាស់អ្នកទាំងអស់គ្នាអាចមើលតាមរបៀបខាងក្រោមបាន៖

• ចូលទៅទាញយក Shortcuts តាមរយៈតំណភ្ជាប់នេះ Text Into Audio
• ចុចលើពាក្យ Add to Shortcuts
• ចូលទៅយកអត្ថបទណាដែលអ្នកចង់ឲ្យវាបំប្លែងវាទៅជាសំឡេងហើយធ្វើការ Copy

• បន្ទាប់មកចូលទៅកាន់ Shortcuts នោះ ហើយចុច Paste វានៅទីនោះ រួចចុចលើពាក្យ Done ជាកាស្រេច

ដូច្នេះវានឹងធ្វើការបំប្លែងអក្សររបស់អ្នកទៅជាសំឡេងភ្លាមៗតែម្តង ប៉ុន្តែសូមបញ្ជាក់ផងដែរថា Shortcuts មួយនេះគឺអាចប្រើប្រាស់តែជាមួយអក្សរ អង់គ្លេស តែប៉ុណ្ណោះ។

Get Media Details

ចូលមកដល់ Shortcuts មួយនេះវិញក៏សំខាន់ដែរ ពោលគឺវាអាចជួយឲ្យយើងដឹងពីព័ត៌មានទាំងអស់មិនថារូបភាព ឬវីដេអូនោះទេ ដោយវាបង្ហាញទាំងប្រភេទនៃឧបករណ័ដែលបានថត ថ្ងៃខែឆ្នាំ និងទិន្នន័យផ្សេងៗទៀត ជាពិសេសមិនថាអ្នកបានរូបភាព ឬវីដេអូទាំងនោះមកពីណាក៏ដោយក៏វាបង្ហាញដែរ។ ហើយខាងក្រោមនេះគឺជារបៀបប្រើប្រាស់៖

• ចូលទៅទាញយក Shortcuts តាមរយៈតំណភ្ជាប់នេះ Get Media Details
• បន្ទាប់មកចុចលើពាក្យ Add to Shortcuts
• បន្ទាប់ពីដំឡើងរួចហើយ យើងអាចចូលទៅកាន់រូបភាព ឬវីដេអូណាដែលយើងចង់ដឹងទិន្នន័យពីវា
• ចុចលើសញ្ញាព្រួញបញ្ជូនដូចក្នុងរូបខាងក្រោម រួចចុចលើពាក្យ Get Media Details

• បន្ទាប់ពីចុចហើយវានឹងបង្ហាញជម្រើសឲ្យយើងជ្រើសរើស ថាតើចង់បានទិន្នន័យអ្វីខ្លះពីរូបភាពឬវីដេអូទាំងនោះ

អត្ថបទដោយ៖​ រិន មករា