១./ ស្ថានភាពសុខភាពថ្ម (Battery Health)

• សុខភាពថ្មជាកត្តាកំណត់ដ៏ធំបំផុតមួយនៃតម្លៃ iPhone មួយទឹក។
• របៀបពិនិត្យ៖ ចូលទៅកាន់ Settings > Battery > Battery Health & Charging។
• អ្វីដែលត្រូវរកមើល៖ មើលត្រង់ Maximum Capacity (សមត្ថភាពអតិបរមា)។
• ជាទូទៅ ភាគរយថ្មដែលល្អគួរស្ថិតនៅចន្លោះ 85% ឡើងទៅ។ ថ្មក្រោម 80% នឹងឆាប់អស់ខ្លាំង ហើយត្រូវការប្តូរថ្ម។
• ពិនិត្យមើលត្រង់ Peak Performance Capability ថាវាដំណើរការធម្មតាឬអត់។

២./ ត្រូវធានាថាគណនី iCloud ត្រូវបានដកចេញទាំងស្រុងពីទូរស័ព្ទមួយនោះ (iCloud/Activation Lock)

•  របៀបពិនិត្យនៅលើទូរស័ព្ទនោះ ធ្វើការ Sign Out ដកគណនី Apple ID ចេញទាំងស្រុង។ 
• ត្រូវប្រាកដថាកន្លែង Find My iPhone ត្រូវបានបិទ
•  បន្ទាប់ពី Sign Out រួចរាល់ សូមធ្វើការ Reset ទូរស័ព្ទ ចុច Settings + General + Transfer ឬ Reset iPhone + Erase All Content and Settings ។ ប្រសិនបើទូរស័ព្ទដំណើរការ Reset រួចរាល់ ហើយបង្ហាញផ្ទាំង "Hello" (ដូចទូរស័ព្ទថ្មី) នោះមានន័យថាវាគ្មានបញ្ហា Activation Lock ទេ។

៣./ មុខងារសម្គាល់ផ្ទៃមុខ ឬស្នាមម្រាមដៃ (Face ID & Touch ID)

មុខងារសុវត្ថិភាពទាំងនេះត្រូវតែដំណើរការល្អ ព្រោះបើខូចគឺមិនអាចជួសជុលបានទេ លើកលែងតែដូរអេក្រង់ ឬគ្រឿងបង្គំដើម។

• របៀបពិនិត្យ៖ Face ID: សាកល្បងចូលទៅ Settings + Face ID & Passcode រួចធ្វើការ Set Up Face ID ដោយខ្លួនឯង។ បើវាអាច Scan មុខបានដោយមិនមាន Error នោះវាដំណើរការល្អ។
• Touch ID: សាកល្បងចុះឈ្មោះស្នាមម្រាមដៃ (Fingerprint) ថ្មី។

៤. គុណភាពអេក្រង់ (Original Display)

អ្នកត្រូវប្រាកដថាអេក្រង់នោះជាអេក្រង់ដើមរបស់ Apple ឬយ៉ាងហោចណាស់ជាអេក្រង់ Original គុណភាពខ្ពស់។

• របៀបពិនិត្យ៖ សម្រាប់ iPhone X ឡើងទៅ: ចូលទៅ Settings + General + About។ ប្រសិនបើអេក្រង់ធ្លាប់ត្រូវបានប្តូរដោយជាងខាងក្រៅ វានឹងលោតចេញជាសារ "Unknown Part" ឬ "Important Display Message"។
• True Tone: សាកល្បងបើកមុខងារ True Tone។ ប្រសិនបើអេក្រង់ត្រូវបានប្តូរដោយគ្មានកម្មវិធីត្រឹមត្រូវ មុខងារនេះអាចនឹងបាត់បង់។

៥. ការជ្រាបទឹក និងគ្រឿងបង្គំដែលត្រូវបានជួសជុល (Water Damage & Repairs)

ទោះបីជា iPhone មានមុខងារការពារទឹកក៏ដោយ តែនៅពេលវាជាទូរស័ព្ទមួយទឹក អ្នកត្រូវតែពិនិត្យមើលថាតើវាធ្លាប់ជ្រាបទឹក ឬត្រូវបានជួសជុលធ្ងន់ធ្ងរដែរឬទេ។

• របៀបពិនិត្យ: ពិនិត្យមើលរន្ធដាក់ស៊ីម។ ប្រសិនបើមានស្នាមប្រឡាក់ពណ៌ក្រហមនៅខាងក្នុងនោះ គឺជាសញ្ញាថាទូរស័ព្ទនោះធ្លាប់ជ្រាបទឹក។
• ការជួសជុល: ដូចការពិនិត្យអេក្រង់ដែរ សម្រាប់ iPhone 11 ឡើងទៅ អ្នកអាចពិនិត្យមើលស្ថានភាព Camera និង Battery នៅក្នុង Settings + General + About ដើម្បីដឹងថាតើគ្រឿងទាំងនោះជាគ្រឿងដើមឬអត់។

គូសបញ្ជាក់ផងដែរថា ប្រសិនបើអ្នកបានពិនិត្យមើលចំណុចទាំង ៥ នេះហើយ វានឹងជួយកាត់បន្ថយហានិភ័យនៃការទិញទូរស័ព្ទមានបញ្ហាបានយ៉ាងច្រើន។ ជាពិសេសទិញដោយគុណភាពមិនចំណាយច្រើននៅពេលខូច និងអាចប្រើបានយូរ។