កុំព្យូទ័រលេងហ្គេម ASUS Gaming K16 នេះមានអេក្រង់ទំហំ 16-អ៊ីង FHD+ ជាមួយនឹងកម្រិត 16:10 ratio និង 144Hz refresh rate ។ ប្រព័ន្ធសំឡេងនេះផ្តល់នូវគុណភាពច្បាស់សម្រាប់ការកម្សាន្តយ៉ាងសម្បូរបែប។ថាមពលថ្មរបស់កុំព្យូទ័រនេះគឺដល់ទៅ 70Wh និងការសាកថ្មលឿនក្នុងការប្រើប្រាស់ថែមទៀត។ កុំព្យូទ័រលេងហ្គេមនេះក៏មានភាពធន់ក្នុងការប្រើប្រាស់ផងដែរ​​​​ ដោយសារតែកុំព្យូទ័រនេះបានឆ្លងកាត់វិធីតេស្តចំនួន 26 ហើយវាក៏ឆ្លងកាត់នូវស្តង់ដារ MIL-STD-810H របស់សហរដ្ឋអាមេរិកថែមទៀត។ កុំព្យូទ័រ ASUS Gaming K16 នេះក៏បំពាក់នូវ ASUS Antimicrobial Guard antibacterial layer ដើម្បីកាត់បន្ថយនូវការចែកចាយទៅលើបាក់តេរីថែមទៀត។ កុំព្យូទ័រនេះ មានអេក្រង់ទំហំ 16-អ៊ីង និងមានទម្ងន់ត្រឹមតែ 1.8គីឡូក្រាម និងកម្រាស់ 18.9មម ប៉ុណ្ណោះ។

កុំព្យូទ័រលេងហ្គេម 16-អ៊ីង ដែលមានរូបរាងស្តើង ស្រាល និងធន់ក្នុងការប្រើប្រាស់

ASUS Gaming K16 (K3605) គឺជាកុំព្យូទ័រលេងហ្គេមធន់បំផុតក្នុងការប្រើប្រាស់ដែលមិនធ្លាប់មានរបស់ក្រុមហ៊ុន ASUS ដែលមានការឆ្លងកាត់ការតេស្តចំនួន 26 លើកទៅលើការតេស្ត 12 ប្រភេទនៃស្តង់ដារយោធា MIL-STD 810H របស់សហរដ្ឋអាមេរិកថែមទៀត។ បន្ថែមពីលើភាពធន់របស់វានោះ កុំព្យូទ័រនេះក៏បំពាក់ជាមួយនឹង  ASUS Antimicrobial Guard antibacterial coating ដែលធានាទៅលើការកម្ចាត់បាក់តេរីបានយ៉ាងល្អ។ វាអាចកម្ចាត់បាក់តេរីបានដល់ទៅ 99% នៅក្នុងពេល 24 ម៉ោងដែលនេះធ្វើអោយផ្ទៃខាងលើរបស់វាស្អាតជានិច្ច។ ការរក្សានូវភាពស្អាតទៅលើកុំព្យូទ័រនេះក៏ជួយការពារសុខភាពរបស់អ្នកប្រើប្រាស់ផងដែរ។

ក្រៅពីភាពធន់របស់វានេះ កុំព្យូទ័រ ASUS Gaming K16 នេះគឺមានភាពអស្ចារ្យជាមួយនឹងទម្ងន់ស្រាលត្រឹមតែ  1.8គីឡូក្រាម និងកម្រាស់ស្តើង 18.9មម។  វាអាចនឹងក្លាយជាផ្នែកមួយដ៏ទាក់ទាញនៅពេលដែលធៀបជាមួយនឹងកុំព្យូទ័រលេងហ្គេម 16-អ៊ីញជាច្រើនទៀតនៅលើទីផ្សារ។ កុំព្យូទ័រនេះប្រើប្រាស់នូវពណ៌ខ្មៅ (Indie Black) ដ៏ស្រស់ស្អាតដែលផ្តល់នូវស្ទាយ៍យ៉ាងទាន់សម័យបំផុត។

កុំព្យូទ័រលេងហ្គេមដ៏ខ្លាំងក្លាសម្រាប់សិស្សានុសិស្ស

ជាមួយនឹងការបំពាក់នូវផ្នែក hardware ដ៏ខ្លាំងក្លានោះ កុំព្យូទ័រ ASUS Gaming K16 (K3605) នេះ ផ្តល់នូវសមត្ថភាពដ៏ខ្លាំងក្លានៅក្នុងការកម្សាន្ត និងការរៀនសូត្រ។ នៅក្នុងម៉ាស៊ីននេះ មានការគាំទ្រជាមួយនឹង GPU NVIDIA® GeForce RTX™ 4050 ដែលផ្តល់នូវមុខងារកម្រិតខ្ពស់ជាច្រើនដូចជា Ray Tracing, AI processing accelerators និង រ៉េម GDDR6 ល្បឿនលឿនល្អបំផុតនៅក្នុងការលេងហ្គេមថែមទៀតផង។ សម្រាប់

thermal design power (TGP) ខ្ពស់បំផុតគឺ 55W ដែលមានការពង្រឹងទៅលើថាមពលនៃ NVIDIA GPUs នៅពេលដែលលេងហ្គេម ការកម្សាន្ត និងការងារផលិតមាតិកាជាច្រើនទៀត។

បន្ថែមពីនេះ កុំព្យូទ័រនេះ ក៏មានការបំពាក់នូវ MUX Switch ដែលអនុញ្ញាតអោយអ្នកប្រើប្រាស់ជាច្រើនអាចធ្វើការជ្រើសរើសរវាងក្រាហ្វិកកាតខ្ពស់បំផុត ឬការសន្សំសំចៃទៅលើថាមពលថ្ម។ ដើម្បីជួយអោយកុំព្យូទ័រនេះត្រជាក់នោះ កុំព្យូទ័រនេះក៏បំពាក់នូវបច្ចេកវិទ្យា ASUS IceCool ជាមួយនឹងបំពង់កំដៅស្ពាន់ 3, ចន្លោះខ្យល់ពីរ និងស្លាបកង្ហារ IceBlade​ ចំនួន87ដែលជួយពន្លឿនការផ្ទេរកម្ដៅបានល្អ និងរក្សានូវសមត្ថភាពប្រកបដោយប្រសិទ្ធិភាព។

អេក្រង់ធំផ្ដល់នូវបទពិសោធន៍នៃការទស្សនាដ៏អស្ចារ្យកាន់តែប្រសើរជាងមុន

កុំព្យូទ័រ ASUS Gaming K16 (K3605) នេះផ្តល់នូវបទពិសោធន៍នៃការទស្សនាយ៉ាងអស្ចារ្យជាមួយនឹងអេក្រង់ទំហំ 16-អ៊ីង FHD+ ជាមួយនឹង 16:10 ratio ល្បឿន 144Hz refresh rate ដែលអនុញ្ញាតអោយការលេងហ្គេមកាន់តែរលូន និងអស្ចារ្យគ្រប់វិនាទី។ អេក្រង់នេះក៏ទទួលស្គាល់ដោយវិញ្ញាបនបត្រ TÜV Rheinland សម្រាប់កាត់បន្ថយទៅលើពន្លឺពណ៌ខៀវដែលប៉ះពាល់ដល់ភ្នែក និងការមើលអេក្រង់បានយូរដោយមិនរំខានទៅលើភ្នែកនោះទេ។ ដើម្បីផ្តល់នូវបទពិសោធន៍នៃការកម្សាន្តដ៏អស្ចារ្យ កុំព្យូទ័រលេងហ្គេម 16-អ៊ីងថ្មីរបស់ក្រុមហ៊ុន ASUS នេះបំពាក់នូវប្រព័ន្ធសំឡេង ASUS SonicMaster ដែលផ្តល់នូវភាពច្បាស់បំផុតក្នុងការប្រើប្រាស់។ បន្ថែមពីនេះទៀតនោះ បច្ចេកវិទ្យា ASUS Audio Booster ក៍ប្រើប្រាស់នូវ algorithm ប្រព័ន្ធសំឡេងដើម្បីអាចជួយឱ្យសំឡេងឮជាងមុខរហូតដល់ 1.5x ដង។

ភាពងាយស្រួលក្នុងការប្រើប្រាស់ប្រចាំថ្ងៃ

កុំព្យូទ័រ ASUS Gaming K16 (K3605) នេះ មានថាមពលថ្មធំជាងមុនជាមួយនឹងកម្លាំងដល់ទៅ 70Wh ហើយនិងបំពាក់ទៅដោយបច្ចេកវិទ្យាសាកថ្មលឿនជាងមុន ដោយអាចសាកថ្មបានដល់ទៅ 50%ក្មុងរយ:ត្រឹមតែ 30 នាទី។ កុំព្យូទ័រនេះ មិនត្រឹមតែគាំទ្រទៅលើការសាក 100W Power Delivery តាមរយៈរន្ធ USB-C នោះទេ​ គឺថែមទាំងមានការគាំទ្រ​បច្ចេកវិទ្យា ​USB-C® Easy Charge ដែលអនុញ្ញាតអោយការសាកថ្មទៅលើកុំព្យូទ័រនេះបានលឿន និងគ្រប់ទីកន្លែងថែមទៀតផង។

ជាមួយគ្នានេះនៅលើកុំព្យូទ័រនេះក៏មានមុខងារថ្មីៗ ដែលអាចធានាបានទៅលើការតភ្ជាប់ទៅកាន់ឧបករណ៍ជាច្រើនទៀតបាន តាមរយៈរន្ធជាច្រើន ដែលរួមមានដូចជារន្ធ USB-C/Thunderbolt™ 4 ជាមួយនឹងការគាំទ្រ DisplayPort™ ការផ្ទេរទិន្នន័យទៅលើ 40Gbps និង Power Deliver, រន្ធ USB 3.2 ចំនួន​​ 2 Gen 1 Type-A; រន្ធ HDMI 2.1 និង SD card reader ។ សម្រាប់បច្ចេកវិទ្យា Wi-Fi 6E ល្បឿនលឿន និង ASUS Wi-Fi Master ផ្តល់នូវល្បឿនលឿនក្នុងការប្រើប្រាស់ និងការតភ្ជាប់ប្រកបដោយនិរន្តរភាពថែមទៀត។

កាលបរិច្ឆេទផ្លូវការ និងតម្លៃ

ពេលនេះ កុំព្យូទ័រ ASUS Gaming K16 (K3605) អាចរកទិញបាននៅគ្រប់ហាងចែកចាយរបស់ក្រុមហ៊ុន ASUS នៅក្នុងប្រទេសកម្ពុជាមួយនឹងតម្លៃចាប់ពី $649 ។ កុំព្យូទ័រនេះបំពាក់នូវ Windows 11 Home សេវាកម្មធានាអន្តរជាតិរយៈពេល 2 ឆ្នាំ និងការធានា Perfect Warranty នៅឆ្នាំដំបូងថែមទៀត៕

ព័ត៌មានលម្អិតអំពីផលិតផលនៅទីនេះ៖

ទំព័រផលិតផល៖ https://www.asus.com/kh/laptops/for-home/vivobook/asus-vivobook-16x-k3605/

ទីតាំងដែលអាចរកទិញបាន៖ នៅ ASUS Exclusive Store នៅភ្នំពេញ និងនៅបណ្តាញអ្នកចែកចាយផ្លូវការរបស់ ASUS ទូទាំងប្រទេស៖ https://www.asus.com/kh/content/buy/

*ASUS Gaming K16 បានធ្វើការ upgrade ពី ASUS Vivobook មកជាកុំព្យូទ័រសំរាប់លេងហ្គេម ដោយសារតែ 4000s capable chassis ថ្មីដែលមានកំលាំងខ្លាំង។ (ហេតុនេះហើយបានជាអ្នកនៅតែអាចមើលឃើញម៉ាក Vivobook នៅលើរូបភាពរបស់កុំព្យូទ័រ ក្នុងអត្ថបទរបស់យើង)

គួរបញ្ជាក់ផងដែរថា ក្នុងនាមជាក្រុមហ៊ុនដែលទទួលបាននូវការកោតសរសើរបំផុតរបស់ពិភពលោកនៅលើ Fortune នោះ ក្រុមហ៊ុន ASUS នៅតែបន្តក្នុងការប្តេជ្ញាចិត្តទៅលើនិរន្តរភាពសម្រាប់អនាគតដែលមិនគួរអោយជឿ។ គោលដៅរបស់ក្រុមហ៊ុន ASUS គឺបង្កើតនូវសហគ្រាស net zero ដើម្បីបង្កើតនូវសេដ្ឋកិច្ចរង្វង់ (circular economy) ជាមួយនឹងការផ្តល់នូវខ្សែសង្វាក់ផ្គត់ផ្គង់ប្រកបដោយការទទួលខុសគ្រូវដើម្បីបង្កើតនូវតម្លៃរួមសម្រាប់មនុស្សគ្រប់គ្នា៕