មិនដឹងថាជាកំហុសបច្ចេកទេសរបស់ Apple ឬយ៉ាងណានោះទេ ដោយកន្លងមកក៏មិនធ្លាប់បានឃើញ Apple ច្រឡំដឹកទូរស័ព្ទទៅឲ្យអ្នកដែលបានកម្មង់ខុសច្រើនដល់ម្លឹងដែរ បើគិតជាទឹកប្រាក់ចូលជាង ៩ម៉ឺនដុល្លារទៅហើយ។
ក្នុងនោះផងដែរ តាមរយ;អ្នកប្រើប្រាស់បណ្តាញសង្គម TikTok ម្នាក់បានធ្វើការរៀបរាប់ថា គេបានធ្វើការកម្មង់ទូរស័ព្ទ iPhone 15 Pro Max ដែលមាន Storage 1T សម្រាប់ប្រើប្រាស់ខ្លួនគាត់ផ្ទាល់ចំនួន 1គ្រឿង និងចំនួន 3គ្រឿងទៀតដែលមាន Storage 256GB ចំនួន 3គ្រឿងសម្រាប់ក្រុមការងាររបស់គាត់។
យ៉ាងណាមិញ ទូរស័ព្ទដែលគាត់បានកម្មង់សម្រាប់ខ្លួនគាត់គឺទទួលបានហើយ ប៉ុន្តែអ្វីដែលប្លែកនោះគឺទូរស័ព្ទ 3គ្រឿងទៀតដែលគាត់បានកម្មង់សម្រាប់មិត្តរួមការងាររបស់គាត់ តែបែជាទទួលបាន រហូតទៅដល់ 3កេះ ដោយក្នុងនោះផ្ទុកទៅដោយ សុទ្ធតែ iPhone 15 Pro Max ទំហំ 1T រហូតទៅដល់ 60គ្រឿងឯណោះ។
@legends_gio Someone reallyyy screwed up 😭 #fyp ♬ original sound - Legends_gio
លើសពីនេះទៅទៀតសម្រាប់ទូរស័ព្ទ iPhone 15 Pro Max ដែលគាត់បានកម្មង់ 3គ្រឿងនោះមានតម្លៃត្រឹមតែ $3,600 បណ្ណោះ ប៉ុន្តែសម្រាប់ iPhone ដែល Apple ច្រឡំដឹកមកនោះគឺមានតម្លៃខ្ទង់ $1,599 ក្នុង 1គ្រឿង ដូច្នេះវាអាចឈានដល់ $96,000 សម្រាប់ 60គ្រឿងនេះ។
សម្រាប់ប្រិយមិត្តវិញគិតយ៉ាងណាដែរ ប្រសិនបើរឿងមួយនេះកើតឡើងលើអ្នកទាំងអស់គ្នា
អត្ថបទដោយ៖ រិន មករា