ចូលដល់ឆ្នាំ ២០២៣ នេះមានក្រុមហ៊ុនយក្សលំដាប់ពិភពលោកជាច្រើនបានផ្តោតលើបច្ចេកវិទ្យា AI ជាក់ស្តែងដូចជា Google, Microsoft និងក្រុមហ៊ុនផ្សេងៗទៀត។ ដោយឡែកថ្មីៗនេះក្រុមហ៊ុន Apple ចាប់ផ្តើមបោះជំហ៊ានលើវិស័យនេះដែរហើយ ដោយប្រកាសជ្រើសរើសអ្នកមានសមត្ថភាពខាង AI ជំនាន់ថ្មី (Generative AI) ដើម្បីចូលធ្វើការនៅក្រុមហ៊ុនខ្លួន។
ក្នុងនោះផងដែរ Apple គឺកំពុងតែជ្រើសរើសអ្នកដែលសមត្ថភាពអាចបំប្លែងរាល់គំនិតផ្សេងៗឲ្យទៅជាសកម្មភាពក៏ដូចជារូបភាពពិតបាន ពោលគឺអ្នកដែលមានជំនាញផ្នែក Visual Generatvie Modeling Research Engineer ដែលជំនាញនេះគឺគេយកទៅប្រើប្រាស់ក៏ដូចជាអភិវឌ្ឍទៅលើផ្នែក Photography, Image, Videos Editing, 3D Shape, និងការធ្វើ Avatar ជាដើម ក៏ដូចជាផ្នែកផ្សេងៗជាច្រើនទៀត។
យ៉ាងណាមិញចំពោះជំនាញនេះផងដែរគឺគេត្រូវការអ្នកដែលខ្លាំងខាងផ្នែក ML(Machine Learning) អ្នកដែលមានបទពិសោធន៍ជាមួយនឹងការបង្កើត Deep Learning Application អ្នកដែលពូកែវិភាគនិងដោះស្រាយបញ្ហា រួមជាមួយនឹងជំនាញបច្ចេកទេសផ្សេងៗទៀតដែលអ្នកទាំងអស់គ្នាអាចចូលមើលតាមរយៈលីងខាងលើបាន។
មិនតែប៉ុណ្ណោះ អ្នកដែលមានសមត្ថភាពអាចរួមដំណើរជាមួយនឹងក្រុមហ៊ុន Apple បានគឺនឹងទទួលបានអត្ថប្រយោជន៍ជាច្រើនជាពិសេសគឺទទួលបានប្រាក់ខែខ្ពស់តែម្តង។ ជាក់ស្តែងចំពោះជំនាញដែល Apple កំពុងជ្រើសរើសនេះ គឺអាចទទួលបានប្រាក់ខែគោលចាប់ពី $206,000 ដល់ $340,000 ឯណោះ លើសពីនេះទៅទៀតអ្នកដែលបានក្លាយជាបុគ្គលិករបស់ Apple ក៏អាចមានឱកាសក្លាយជាម្ចាស់ភាគហ៊ុនរបស់ Apple ផងដែរ។
អត្ថបទដោយ៖ រិន មករា