មិនមានពាក្យថាស្តាយក្រោយទេបើទោះបីដើរយឺតជាងគេបន្តិចក៏មែន ដោយ Apple បានបន្តដំណើរជាមួយនឹងការអភិវឌ្ឍនូវមុខងារចែករំលែកថ្មនៅលើ iPhone ឬហៅម្យ៉ាងទៀតថា Reverse Wireless Charging ហើយមុខងារមួយនេះក៏ត្រូវបានខកខានដាក់នៅលើ iPhone 14 ផងដែរដោយសារតែមានការយឺតយ៉ាវទៅលើអភិវឌ្ឍ នេះបើយោងទៅតាមការចុះផ្សាយរបស់ 9to5mac ។
ចំពោះមុខងារ Reverse Wireless Charging នេះគឺសំដៅលើការសាកថ្មដោយមិនចំបាច់ប្រើខ្សែរ ពោលគឺគ្រាន់តែយកទូរស័ព្ទឬឧបករណ៍ផ្សេងៗមកដាក់ភ្ជាប់ជាមួយនឹងទូរស័ព្ទដែលមានមុខងារចែករំលែកថ្ម(Reverse Wireless Charging )វានឹងនឹងធ្វើការបញ្ជូនថាមពលថ្មទៅកាន់ឧបករណ៍មួយទៀតតែម្តង។
ប្រភពដដែលក៏បានបន្តថាមុខងារថ្មីដែល Apple កំពុងតែអភិវឌ្ឍនេះគឺវាអាចមានសមត្ថភាពក្នុងការចែករំលែកថាមពលថ្មទៅកាន់ឧបករណ៍ផ្សេងៗទៀតមិនត្រឹមតែទូរស័ព្ទមួយមុខងនោះទេពោលគឺវាអាចសាកបានទាំង AirPods ទៀត។ ហើយប្រសិនបើមុខងារ Reverse Wireless Charging មួយនេះដំណើរការ ដូច្នេះអ្នកគ្រាន់តែដាក់ AirPods នៅពីក្រោយខ្នង iPhone ជាការស្រេច។
លើសពីនេះទៅទៀតសម្រាប់បច្ចេកវិទ្យាមួយនេះ បើទោះបីជាវាអាចចេញក្រោយគេពិតមែនតែ Apple មានគ្រោងធ្វើវាឱប្លែកពីគេតែម្តង ដោយផ្តោទៅលើ Firmware ក៏ដូចជាការតេស្តសាកល្បងផ្សេងៗទៀត មិនតែប៉ុណ្ណោះគេផ្តោតទៅលើល្បឿននៃការចែករំលែកថាមពលថ្មពី iPhone ទោកាន់ឧបករណ៍ដ៏ទៃទៀត ក៏ដូចជាកម្តៅនិងប្រសិទ្ធភាពនៃការសាកផងដែរ។
អ្វីដែលកាន់តែពិសេសមួយទៀតនោះគឺ Apple នឹងធ្វើ User Interface ពិសេសមួយសម្រាប់មុខងារ Reverse Wireless Charging នេះតែម្តង ដោយវានឹងធ្វើការបង្ហាញនូវព័ត៌មានផ្សេងៗដើម្បីឱយើងមើល។
គូសបញ្ជាក់ផងដែរថាសម្រាប់មុខងារថ្មីរបស់ Apple ដែលនៅលើ Android មានយូរហើយនោះ យើងមិនទាន់ដឹងថា Apple នឹងបញ្ចប់ការអភិវឌ្ឍនៅពេលណា ឬដាក់ឱប្រើប្រាស់ផ្លូវការនៅលើ iPhone ពេលណានោះទេ។
អត្ថបទដោយ៖ រិន មករា
