ថ្មីៗនេះ ក្រុមហ៊ុន GAC Motor Cambodia បាននាំចូលនូវរថយន្តស៊េរីថ្មី ឆ្នាំ២០២៣ ដែលទើបតែបានផ្លាស់ប្តូររូបរាងថ្មីទាំងស្រុង ហើយនោះគឺជា GAC GS8 ត្រូវបានយកគម្រូ ស្ពានដែលវែងជាងគេនៅប្រទេសចិនប្រវែង ៥៥គ.ម ដើម្បីរចនានូវរថយន្តប្រភេទ SUV Full-size ៧កៅអីនេះឡើងមក។
យ៉ាងណាមិញ កាលពីថ្ងៃទី០៨ ខែតុលា ឆ្នាំ២០២២ ក្រុមហ៊ុន TH Group ដែលជាមេធំរបស់ GAC Motor បានប្រារព្ធនូវពិធីបើកសម្ពោធនូវ Showroom ថ្មី ស្ថិតនៅ ក្រុមហ៊ុន GAC អគារ #11 មហាវិថីសហព័ន្ធរុស្សី សង្កាត់កាកាបទី១ ខណ្ឌពោធិ៍សែនជ័យ ក្រុងភ្នំពេញ (ស្ថិតនៅខាងកើត ផ្សារពោធិ៍ចិនតុង ចម្ងាយ100ម៉ែត្រ) ។
ក្នុងកម្មវិធីនេះដែរ ក៏មានការតាំងបង្ហាញនូវទំនើបៗ របស់ក្រុមហ៊ុន GAC Motor ដូចជា GS3, GS4, GS5 ជាពិសេសជាងគេគឺជារថយន្តដែលទើបតែនាំចូលមកកាន់ស្រុកខ្មែរ All-New GAC GS8 ស៊េរីឆ្នាំ២០២៣ ពណ៌ខ្មៅរលោង ហើយក៏ជារថយន្ត ត្រូវបានបំពាក់បច្ចេកវិទ្យាទំនើបជាគេផងដែរ។
ព្រឹត្តិការណ៍នៃការសម្ភោធទីតាំងបង្ហាញ ឬ Showroom នេះដែរ ក្រុមការងារចាបខៀវ Technology Cambodia ក៏បានចូលរួមកម្មវិធីរបស់ GAC Motor ព្រមទាំងបានសាកសួរនូវព័ត៌មានទាក់ទងនឹងរថយន្ត All-New GAC GS8 ស៊េរីឆ្នាំ២០២៣ ពិសេសៗជាច្រើន។
ថ្លែងក្នុងបទសម្ភាសន៍រវាង កញ្ញាដ៏ស្រស់ស្អាតម្នាក់ ដែលជាបុគ្គលិកផ្នែកលក់ប្រចាំក្រុមហ៊ុន GAC Motor បានប្រាប់មកក្រុមការងារចាបខៀវ ថា៖ សម្រាប់រថយន្តពណ៌ខ្មៅរលោង ជារថយន្ត All-New GAC GS8 ស៊េរីឆ្នាំ២០២៣ ដែលខាងក្រុមហ៊ុនទើបតែនាំចូលមកថ្មីៗនេះដែរទេ ហើយរូបរាងរបស់វា គឹត្រូវបានកែប្រែទាំងស្រុង ដោយConceptឌីហ្សាញរូបរាង GS8 នេះដែរ ផ្តោតសំខាន់លើការទម្លុះខ្យល់ ដែលភាសាបច្ចេកទេសហៅថា Aerodynamic និងរាល់គ្រឿងតុបតែងដូចចជា អំពូលភ្លើងមុខ ក្រោយ interior lighting គឺត្រូវបានយកគម្រូតាមស្ពានអាកាសវែងជាងគេនៅប្រទេសចិនប្រវែង ៥៥គ.ម និងបាណាខាងមុខក៏បានផ្លាសប្តូរទាំងស្រុង ខុសប្លែកខ្លាំងមែនទែនពីស៊េរីឆ្នាំ២០២២ ។
យ៉ាងណាមិញ ចំពោះម៉ាស៊ីនរបស់រថយន្តនេះត្រូវបាន upgrade ទៅជាប្រភេទម៉ាស៊ីន 2.0លីត្រ មេហ្គាទាក់បូ ដំណើរការដោយប៊ុង១ មានលេខកាំប៉ាតាស់អូតូ ដែលជាបច្ចេកវិទ្យាថ្មី។ អ្វីដែលពិសេសជាងនេះទៅទៀត គឺកៅអីទាំង៧ មានតែបានបង្កប់ទៅដោយតែក្រអប ដើម្បីក្លិនខាងក្នុងនៃរថយន្តមានផាសុភាព អមជាមួយនឹងមុខងារ Auto Hold ដែលដំណើរការឈប់ និង lock ហ្វ្រាំងដោយស្វ័យប្រវតិ្តនៅពេលឈប់ស្តុបមួយភ្លែតៗ ។
ជាចុងក្រោយ កញ្ញក៏បានបញ្ជាក់ថា រថយន្ត GAC GS8 ស៊េរីឆ្នាំ២០២៣ គឺមានតម្លៃ ៦២៥០០ដុល្លារ បញ្ចុះតម្លៃរួចនៅសល់ត្រឹម ៦០៥០០ដុល្លារតែប៉ុណ្ណោះ ជាមួយនឹងកម្រិតស៊ីសាំងអាចស៊ីចន្លោះពី ១០ទៅ១២លីត្រក្នុងការបើកបរចម្ងាយ ១០០គ.ម ៕
អត្ថបទដោយ៖ ព្រឹម ភក្តី
