កន្លងមកធ្លាប់តែឃើញវេបសាយ AI ដែលអាចជួយយើងក្នុងការបង្កើតរូបភាពតាមការស្រមើស្រមៃដោយគ្រាន់តែបញ្ចូលពាក្យ ដោយឡែកសម្រាប់វេបសាយ AI ថ្មីនេះគឺអាចឲ្យយើងធ្វើការបង្កើតវីដេអូទៅតាមអ្វីដែលយើងចង់បាន អាចកាត់ពីវីដេអូវែងៗទៅជាវីដេអូខ្លីៗ អាចបង្កើត Caption នៅលើវីដេអូ រួមជាមួយនឹងមុខងារផ្សេងៗទៀតពោលគឺដើម្បីយកទៅប្រើប្រាស់ក្នុងការធ្វើទីផ្សារជាដើម។
សម្រាប់វេបសាយនោះមានឈ្មោះថា Pictory.AI ដែលវាផ្តោតសំខាន់ទៅលើការជួយបង្កើតវីដេអូ ជាក់ស្តែងដូចជាការបង្កើតជា Caption ចេញពីវីដេអូ ការបញ្ចូល Script ហើយឲ្យវាបង្កើតវីដេអូទៅតាម Script ដែលយើងបញ្ចូល។ មិនតែប៉ុណ្ណោះ វាក៏អាចជួយបង្កើតវីដេអូ B-Roll ឲ្យយើងបានផងដែរដើម្បីដាក់ឲ្យត្រូវទៅតាមរស់ជាតិនៃវីដេអូ។
ហើយដើម្បីអាចចូលទៅប្រើបានអ្នកទាំងអស់គ្នាគ្រាន់តែចូលទៅកាន់វេបសាយ Pictory.AI បន្ទាប់មកចុចលើពាក្យ Free Trial ប្រសិនបើអ្នកចង់ប្រើប្រាស់សាកល្បងសិន ហើយបន្ទាប់ពីគេអនុញ្ញាតអ្នកទាំងអស់គ្នាអាចចូលទៅប្រើប្រាស់ទៅតាមមុខងារនីមួយៗ។
អត្ថបទដោយ៖ រិន មករា
