បច្ចុប្បន្នបើអ្នកទាំងអស់គ្នាចង់បង្កើតវេបសាយ ប៉ុន្តែមិនមានជំនាញក្នុងការសេរសេរកូដក៏មិនមែនជាបញ្ហាដែរ ពោលគឺយើងអាចប្រើប្រាស់ AI ដើម្បីឲ្យវាជួយបង្កើតយើងបានដោយគ្រាន់តែបញ្ចូលព័ត៌មានឬក៏កំណត់មុខងារមួយចំនួនទៅតាមអ្វីដែលយើងចង់បានគឺវានឹងធ្វើការបង្កើតឲ្យយើងតែម្តង។
សម្រាប់វេបសាយ AI នេះគឺមានឈ្មោះថា 10web.io ដែលវាមានតួនាទីក្នុងការជួយបង្កើតវេបសាយទៅតាមអ្វីដែលយើងចង់បានមិនថាជាប្រភេទវេបសាយ E-Commerce, ប្រភេទវេបសាយព័ត៌មាន, ឬប្រភេទ Portfolio នោះទេគឺវាអាចជួយបង្កើតបានទាំងអស់។
លើសពីនេះទៅទៀតវាក៏មានគម្រូក៏ដូចជា Templates ស្រាប់ៗដើម្បីឲ្យធ្វើការជ្រើសរើសផងដែរ ហើយយើងក៏អាចកែឬថែមថយទៅលើកន្លែងណាដែលយើងចង់បានក៏បានដែរ។ មិនតែប៉ុណ្ណោះចំពោះការទិញ Domain ឬការទិញសេវាកម្ម Hosting ក៏មិនមានភាពសាំញាំដែរ។
គូសបញ្ជាក់ផងដែរថា បើទោះបីជាវេសាយ AI មួយនេះវាផ្តល់ភាពងាយស្រួលយ៉ាងណាក៏ដោយក៏វាមិនអាចបំពេញតម្រូវការរបស់យើងបាន 100% ដូចការធ្វើវេបសាយជាមួយនឹងអ្នកដែលមានជំនាញនោះដែរ ប៉ុន្តែវាអាចជួយដល់អ្នកដែលមិនចង់មានភាពសាំញ៉ាក្នុងបង្កើតវេបសាយ។
អត្ថបទដោយ៖ រិន មករា
