អ្នកទាំងអស់គ្នាធ្លាប់អត់ពេលខ្លះចម្រៀងដែលយើងធ្លាប់ស្តាប់ពីមុនៗ ពិរោះៗ ប៉ុន្តែភ្លេចចំណងជើងចង់ស្តាប់ម្តងទៀតអត់ដឹង Search ថាម៉េចចេះតែធ្វើសំលេងតាមតិចៗ ដោយបទចម្រៀងទាំងអស់នោះកំពុងវិលពេញខួក្បាលរបស់យើងតែម្តង។
ប៉ុន្តែវាមិនមែនជាបញ្ហានោះទេ ដោយសារតែនៅក្នុង YouTube មានមុខងារមួយដែលអាចឲ្យយើងស្វែងរកបទចម្រៀងផ្សេងៗតាមរយៈការដាក់ឲ្យទូរស័ព្ទយើងស្តាប់ តាមរយៈការច្រៀងផ្ទាល់ ឬក៏តាមរយៈការបញ្ចេញសំឡេងរបស់យើងក៏បានដែរដោយមិនចាំបាច់ ចងចាំ Lyric ក្នុងបទទាំងអស់នោះក៏បាន ។
សម្រាប់មុខងារមួយនេះប្រហែលជាបងប្អូនមួយចំនួនគាត់បានដឹងហើយ នៅលើ YouTube គេបានបញ្ចេញមុខងារមួយហៅថា Hum to Search ដាក់ឲ្យប្រើប្រាស់នៅលើ Android ហើយសម្រាប់អ្នកប្រើ iPhone មួយចំនួនក៏ឃើញមានមុខងារនេះដែរ។ ដូច្នេះសម្រាប់របៀបប្រើប្រាស់គឺងាយទេ៖
- ដំបូងគ្រាន់តែចូលទៅកាន់ YouTube
- ចូលទៅកាន់កន្លែង Search
- ចុចលើសញ្ញាសំឡេង
- ចូលមកដល់កន្លែងហ្នឹងវានឹងបង្ហាញពី Features គឺ
- Voice
- Song ដែលមានលោហ្គោ រលកសំឡេង
- អ៊ីចឹងយើងចុចលើមុខងារ Song រួចធ្វើការបញ្ចេញសំឡេង
- ឧទាហរណ៍បទចម្រៀង “ពេលមេឃបើកថ្ងៃ” ដែលយើងគ្រាន់តែបញ្ចេញសូរឲ្យស្រដៀងជាមួយនឹងបទចម្រៀងនេះរយៈពេល៤ទៅ៥វិនាទីគឺវានឹងចូលទៅស្វែងរកឲ្យយើងបានភ្លាមៗតែម្តង។
គូសបញ្ជាក់ផងដែរថាសម្រាប់មុខងារមួយនេះ គឺមិនមែនទើបតែបញ្ចេញនៅលើ YouTube ទេ ពោលគឺគេបានបញ្ចេញនៅលើ Google យូរដែរហើយ ប៉ុន្តែទោះបីជាយ៉ាងណាក៏ដោយសម្រាប់ការប្រើប្រាស់នៅលើ YouTube ក៏វាងាយស្រួលជាងមុនដែរ។
អត្ថបទដោយ៖ រិន មករា