បើនិយាយដល់ AI ដែលមានសមត្ថភាពឆ្លើយបានគ្រប់ប្រធានបទ គេច្បាស់ជានឹកឃើញទៅដល់ ChatGPT, Bart IA, Microoft Bing, និង AI មួយចំនួនទៀត។ យ៉ាងណាមិញថ្មីៗនេះ ក៏មាននិស្សិតអាយធីខ្មែរ ឈ្មោះប៉ាង វរៈឧត្តម បានច្នៃបង្កើតវេបសាយ AI មួយ អាចឆ្លើយសំណួរបានសឹងគ្រប់ប្រធានបទ ដោយលោកអ្នកអាច search បានទាំងភាសាខ្មែរ និងអង់គ្លេស។
https://www.uaikhmer.com/ គឺជាផ្លេតហ្វមថ្មី និងពិសេសបំផុត សម្រាប់អ្នកដែលចង់ប្រើ ChatGPT តែមិនទាន់បានប្រើ អាចសាកប្រើវេបសាយ AI ថ្មីនេះបានដោយសេរី រហូតដល់ឆ្នាំ២០២៤។ បើតាមការបញ្ជាក់ប្រាប់ នៅលើវេបសាយ AI នេះ បានបញ្ជាក់ថា “យូអាយគឺជា Ai Search Engine ដែលអាចសួរជាភាសាខ្មែរ ហើយវាឆ្លើយជាអង់គ្លេស ឬខ្មែរបាន! សួរអីក៏បាន!”។
បន្ថែមពីលើនេះ វាអាចប្រើបានជាពហុភាសា ដោយម៉ាស៊ីនស្វែងរក AI នេះ គាំទ្រភាសារួមទាំងភាសាខ្មែរ និងអង់គ្លេស។ សម្រាប់របៀបប្រើវិញ បងប្អូនគ្រាន់តែចុចទៅលើលីងខាងលើ រួចធ្វើការចុះឈ្មោះដោយឥតគិតថ្លៃ។ តោះសាកល្បងប្រើឥឡូវនេះ
