យោងតាមប្រភពដដែលពី Auto Show  បានឲ្យដឹងថា​ Toyota bZ4X បានមកដល់ប្រទេសថៃ ដែលបានដាក់តាំងបង្ហាញនៅ Motor Show 2022 ប៉ុន្តែគេបានបញ្ជាក់មក តាមរយ: សរសេរជាCaptionក្នុងហ្វេស​បុកថា ជាភាសាថៃ  “ยังไม่เปิดจอง”  ដែលមកប្រែមកជាខេមរភាសាថា « មិនទាន់ទទួលការកក់ទេ » ។​

ម្យ៉ាងវិញនៅលើ Caption នោះផងដែរគេក៏និយាយពីកម្លាំងរបស់រថយន្ត Toyota bZ4X 2022 នេះផងដែរ​ ។ ចំណែកឯការមកដល់របស់រថយន្តអគ្គិសនី Toyota​ bZ4X បានផ្តល់មកជា ២ ជម្រើស របៀបនៃការបើកបរ។

   - ចំពោះជម្រើសទី១  នេះត្រូវបានបំពាក់មកជាមួយនឹងម៉ូទ័រ ១ មានកម្លាំង​ ២១៨​ សេះ  មានកម្លាំងរមួល ៣៣៦ ញូតុនម៉ែត្រ ដំណើរការដោយកង់ខាងមុខ front-Wheel Drive  ហើយម្យ៉ាងវិញទៀតមានអាគុយដែលអាចផ្ទុកបានថាមពលរហូតដល់ ៧១.៤ គីឡូវ៉ាត់ម៉ោង ដោយអាចរត់ចំងាយបាន ៥៣០ គីឡូវមែត្រ ​។

លើសពីនេះ ​ចំណុចស្ទុះរបស់រថយន្តនេះអាចស្ទុះកប់ពី ០ - ១០០ គីឡូវម៉ែត្រត្រូវការពេលតែ ៨.៤ វិនាទីតែប៉ុណ្ណោះ​ ។

ចំណែកឯជ្រើសទី២គឹដំណើរការជា X-mode ដែលអាចបញ្ជារលេចប្រអប់លេខ​បានដោយប្រភេទប្រអប់លេខបង្វិល មួយវិញទៀត ​ខាង​ Toyota បាន​ឲ្យមកនូវជាម៉ូទ័រអគ្គិសនី​ ​​២ ដែលមាន​កម្លាំង ១៦០ គីឡូវ៉ាត់ មាន៤​ ស៊ីឡាំងដូចគ្នា ហើយដំណើរការដោយកង់ទាំង ៤ ឬ 4WD និង មានអាគុយទំហំ ៧១.៤ គីឡូវ៉ាត់  អាចបើកបរបានចម្ងាយតែ ៤៦០ គីឡូម៉ែត្រទេ ដោយសារតែរថយន្តមួយនេះ គឺបានដំណើរការប៉ុង​២ ដូច្នេះហើយទើប វាត្រូវការថាមពលពីអាគុយ​ខ្លាំងបន្តិចដើម្បីទ្រទ្រង់ជាមួយនឹងម៉ូទ័រ ។ លើសពីនេះ ចំណុចស្ទុះរបស់ម៉ូដែលខ្ពស់មួយនេះអាចស្ទុះបានពី ០ - ១០០ ចំណាយពេលតិចជាងមុន ត្រឹមតែ​ ៧.៧ វិនាទី​តែប៉ុណ្ណោះ ។

គូសបញ្ជាក់ផងដែរ ចំពោះតម្លៃរបស់រថយន្តនេះ នៅឯប្រទេសថៃ មិនទាន់មានតម្លៃជាក់លាក់នៅឡើយទេ​ ពោលគឹកំពុងរង់ចាំតម្លៃធ្លាក់មកដល់ដូចគ្នា 

ប្រភព៖ Auto Show 

អត្ថបទដោយ៖ ព្រឹម ភក្ដី (FB : Pheakdey Prem , Telegram : 010272022 )