យន្តហោះកាណាដាមួយគ្រឿងបានរកឃើញសំឡេងរំខាននៅក្រោមទឹកកាលពីព្រឹកថ្ងៃពុធក្នុងការស្វែងរកមនុស្ស 5 នាក់ដែលជាប់នៅលើនាវាមុជទឹកដែលបាត់ខ្លួន ប៉ុន្តែនាវាមុជទឹកនោះមិនត្រូវបានរកឃើញនៅឡើយទេ នេះបើយោងតាមប្រភពពី CNN ។
ជាមួយគ្នាផងដែរ យោងតាមប្រភពខាងលើបានឲ្យដឹងថា នាវាមុជទឹក Titan របស់ក្រុមហ៊ុន OceanGate ត្រូវបានបាត់សញ្ញានៅទី១៨ ខែមិថុនា ឆ្នាំ២០២៣ ហើយគិតមកដល់ពេលមនេះ មានរយ:ពេល ៤ថ្ងៃហើយដែលនាវាមុជទឹកនេះមិនទាន់បានរកឃើញ ។ ប៉ុន្តែកាលពីព្រឹកថ្ងៃពុធ ទី២១ ខែមិថុនា យន្តហោះកាណាដា P-3 បានចាប់សញ្ញារំខានម្យ៉ាងចេញពីក្នុងសមុទ្រ ត្រង់កន្លែងដែលនាវាមុជទឹកនោះបានបាត់សញ្ញា។
យោងតាមប្រភពដដែលបានឲ្យដឹងថា ការធ្វើដំណើរដើម្បីមើលបំណែកនៃកប៉ាល់ទីតានិចមានរយៈពេលប្រាំបីថ្ងៃ ដែលមានតម្លៃ 250,000 ដុល្លារ ក្នុង ១នាក់ ត្រូវបានបើកសម្រាប់មនុស្សចាប់ពីអាយុ 17 ឆ្នាំឡើងទៅ។ នាវាមុជទឹក Titan ត្រូវបានគេដឹងថា មានប្រវែង 22 ហ្វីត ឬ 6.7m និង ទម្ងន់ ២៣០០០ផោន អាចមុជចូលទៅក្នុងទឹកជម្រៅបាត់សមុទ្រ ១៣០០០ហ្វីត ឬ ជិត ៤គ.ម អាចផ្ទុកមនុស្ស នាក់ និងមានបំពង់អុកស៊ីសែនអាចទ្រទ្រង់បាន ចំនួន ៤ថ្ងៃផងដែរ។
គួរជំរាបផងដែរ អ្នកដំណើរដែលមានវត្តមានក្នុងនាវាមុជនោះ រួមមាន ជនជាតិបារាំង ១នាក់ ឪពុកកូនពីរនាក់ទៀតជនជាតិប៉ាគីស្ថាន ក្នុងចំំណោមនោះ មានបុរសម្នាក់ដែលជាអ្នកមានជាងគេ១រូប នៅចក្រភពអង់គ្លេសផងដែរ៕
