TikTok មួយរយៈចុងក្រោយនេះឃើញថា បានអភិវឌ្ឍនូវមុខងារថ្មីៗជាច្រើនជាពិសេស បច្ចុប្បន្នផ្លេតហ្វមមួយនេះ កំពុងតែសាកល្បងដាក់ឱ្យប្រើប្រាស់មុខងារ Watch History ដែលស្រដៀងគ្នាទៅហ្នឹងហ្វេសប៊ុកដែរពោលគឺវាអាចបង្ហាញរាល់វីដេអូដែលយើងធ្លាប់បានមើលឬវីដេអូដែលយើងច្រឡំដៃអូសរំលងចោលជាដើម។
សម្រាប់មុខងារដែលគេកំពុងធ្វើការតេស្តសាកល្បងនេះគឺត្រូវបានបានបង្ហាញដោយអ្នកលេង Twitter ម្នាក់និងត្រូវបានលោក Matt Navarra ដែលជាអ្នកវិភាគផ្នែកបណ្តាញសង្គម Screenshot យកទៅផុសបន្តផងដែរ។
NEW! TikTok Watch History https://t.co/vxXy9L0VJb
— Matt Navarra (@MattNavarra) March 26, 2022មែនទែនទៅសម្រាប់ TikTok ដែលយើងកំពុងប្រើប្រាស់រាល់ថ្ងៃនេះក៏មានមុខងារដែលអាចឱ្យយើងរកមើលវីដេអូចាស់ៗដែលធ្លាប់បានមើលរួចបានដែរ ប៉ុន្តែវាទាមទាឱ្យយើងដាក់ Keyword ឱ្យត្រូវជាមួយវីដេអូនោះទើបលោតចេញមកឱ្យយើងឃើញ ខុសពីមុខងារថ្មី Watch History ដែល TikTok កំពុងដាក់ឱ្យប្រើប្រាស់សាកល្បងនេះ។
គូសបញ្ជាក់ផងដែរថាសម្រាប់មុខងារនេះគឺស្ថិតក្នុងដំណាក់កាលសាកល្បងនៅឡើយ ម្យ៉ាងទៀតចំពោះថ្ងៃណាដែលគេនឹងដាក់បញ្ចេញឱ្យប្រើប្រាស់ជាទូទៅនោះយើងពុំទាន់បានដឹងទេ។
អត្ថបទដោយ៖ រិន មករា
