របាយការណ៍ថ្មីមួយបានបង្ហាញថា មានក្រុមអ្នកជំនាញលើផ្នែកការពារភពផែនដីសម្លឹងមើលអាចផ្កាយ ឬគេចូលចិត្តហៅថា “កងការពារភព” បានបង្ហាញក្ដីបារម្ភនៃការកើនឡើងផ្កាយរណបពាណិជ្ជកម្ម កាន់តែច្រើនទៅៗរាប់ពាន់ ដល់ម៉ឺនគ្រឿង។

ជាច្រើនឆ្នាំណាស់មកហើយ កងកម្លាំងការពារភព ដែលសុទ្ធសឹងជាអ្នកវិទ្យាសាស្ត្រចាស់វស្សានោះ បានសិក្សារស្រាវជ្រាវវត្ថុផ្សេងៗហោះមកកៀកផែនដី (NEOs) ដែលអាចនឹងមានហានីភ័យធ្លាក់ចូលមកផែនដីដោយប្រការណាមួយ។

ហើយការណ៍ដែលផ្កាយរណបពាណិជ្ជកម្ម ក៏ដូចជាផ្កាយរណប Starlink រាប់ពាន់ដល់ម៉ឺនគ្រឿងនោះអាចនឹងធ្វើឱ្យសមត្ថភាពនៃស្ថានីយ៍ឃ្លាំងមើល វត្ថុផ្សេងៗដែលហោះមកកៀកផែនដីនោះ កាន់តែពិបាកជាងមុនដោយជួនកាលអាចនឹងមានការកុងសញ្ញាល់ជាដើម នេះបើតាមការចុះផ្សាយរបស់សារព័ត៌មាន Futurism។

អ្នកជំនាញបានផ្ដល់ជាដំណោះស្រាយត្រឡប់ទៅវិញថាគួរតែប្រជុំគ្នា ដោះស្រាយទាំងលើផ្នែក Software និង Hardware ដើម្បីសិក្សាររកបច្ចេកវិទ្យាច្រោះសញ្ញាល់កុំឱ្យមានការកុងគ្នា បើមិនដោះស្រាយឱ្យល្អនោះទេ អ្នកវិទ្យាសាស្ត្រអាចនឹងព្យាករណ៍ខុស ឬ មិនអាចប្រាប់ពីសញ្ញាគ្រោះថ្នាក់ដល់មនុស្សជាតិមុននឹងហានីភ័យឈានមកដល់។