ក្រុមហ៊ុន ស្មាត មិនមានពាក់ព័ន្ធនឹងសកម្មភាពក្លែងបន្លំនិងការឆបោកដែលបាននិងកំពុងកើតមាននៅលើ Telegram ឬ/និង ហ្វេសបុក នេះទេ។ យើងខ្ញុំសូមធ្វើការណែនាំដល់អតិថិជនទាំងអស់ឲ្យមានការប្រុងប្រយ័ត្នខ្ពស់ចំពោះសារ ឬសំណើណាមួយដែលអះអាងថាមកពីក្រុមហ៊ុន ស្មាត នៅលើបណ្តាញទំនាក់ទំនងសង្គម Telegram ឬ/និង ហ្វេសបុក ហើយសូមមេត្តាកុំធ្វើការឆ្លើយតបនឹងសារបែបនោះឲ្យសោះ។

យើងខ្ញុំក៏សូមអំពាវនាវម្តងទៀតដែរថា យើងខ្ញុំធ្វើការទំនាក់ទំនងជាមួយអតិថិជន តាមរយៈបណ្តាញផ្លូវការ រួមមានវិបសាយ ផេកហ្វេសប៊ុក Facebook Page Smart Axiata (មានផ្លាកសញ្ញា ធិកពណ៌ខៀវ) និង គណនីផ្លូវការផ្សេងទៀតដូចជា Telegram Smart Axiata (មានសញ្ញាធិកពណ៌ខៀវ) តែបុណ្ណោះ។

អាស្រ័យហេតុនេះ ប្រសិនបើ អតិថិជនទទួលបានសារណាមួយដែលគួរឲ្យសង្ស័យ ឬមិនមានភាពច្បាស់លាស់ សូមមេត្តាទំនាក់ទំនងមកកាន់យើងខ្ញុំ តាមរយៈលេខទូរសព្ទ Hotline 1204 ឬផេកហ្វេសប៊ុក ផ្លូវការរបស់យើងខ្ញុំដើម្បីសាកសួរព័ត៌មានលម្អិត។ សូមអតិថិជនទាំងអស់មេត្តាជ្រាបផងដែរថា បន្ទាប់ពីបានទទួលព័ត៌មានជុំវិញបញ្ហាដូចបានរៀបរាប់ខាងលើ យើងខ្ញុំបាននិងកំពុងសហការជាមួយអាជ្ញាធរមានសមត្ថកិច្ចដើម្បីដោះស្រាយនិងទប់ស្កាត់បញ្ហាទាំងនោះ។

ក្រុមហ៊ុននៅតែបន្តប្តេជ្ញាចិត្តក្នុងការផ្តល់ជូនអតិថិជន ទាំងអស់នូវសេវាកម្មល្អបំផុត និងការធានាបាននូវ ការប្រើប្រាស់ប្រកបដោយការការពារខ្ពស់បំផុត ។ យើងខ្ញុំសូមលើកទឹកចិត្តឲ្យអតិថិជន ទាំងអស់មេត្តាបន្តរក្សាការប្រុងប្រយ័ត្ន ឲ្យបានខ្ពស់ និងចាត់ចែងវិធានការឲ្យបានសមស្រប ដើម្បីការពារព័ត៌មានផ្ទាល់ខ្លួន

ខាងក្រោមជាគន្លឹះបន្ថែមមួយចំនួនដើម្បីជួយការពារខ្លួនអ្នកពីក្រុមបោកប្រាស់៖

សូមកុំផ្តល់ព័ត៌មានផ្ទាល់ខ្លួនរបស់អ្នក ដូចជាពាក្យសម្ងាត់របស់អ្នក ទៅនរណាម្នាក់ដែលអ្នកមិនស្គាល់- ត្រូវមានការសង្ស័យចំពោះសារពីអ្នកដែលមិនធ្លាប់ស្គាល់ ជាពិសេសសារដែលពាក់ព័ន្ធនិងការផ្ដល់ជូនអ្នកនូវអ្វីមួយដោយឥតគិតថ្លៃ

ប្រសិនបើអ្នកមិនប្រាកដថាសារនោះស្របច្បាប់ទេ សូមទាក់ទងក្រុមហ៊ុន ឬស្ថាប័នដោយផ្ទាល់។