ទាក់ទងនឹងរឿងនេះផងដែរ ថ្មីៗនេះនាយកដ្ឋានប្រឆាំងបទល្មើសបច្ចេកវិទ្យា បានបញ្ចេញនូវសេចក្ដីបំភ្លឺព៏ត៌មានមួយពាក់ព័ន្ធនឹងករណីខាងលើ ថា នាយកដ្ឋានបានចាត់មន្ត្រីជំនាញឱ្យធ្វើការស្រាវជ្រាវ ស៊ើបអង្កេតរកបទល្មើសរបស់ក្រុមហ៊ុន និង ម្ចាស់ក្រុមហ៊ុនខាងលើ ដើម្បីឈានដល់ការចាត់វិធានការតាមនិតិវិធីច្បាប់។

យ៉ាងណាក៏ដោយនាយកដ្ឋានខាងលើបានបញ្ជាក់ផងដែរថា មិនទាន់អាចជូនដំណឹងលម្អិតបានទេ ព្រោះអាចធ្វើឱ្យប៉ះពាល់ដល់ដំណើរការនៃការស៊ើបអង្កេត។

ជាចុងក្រោយ នាយកដ្ឋានប្រឆាំងបទល្មើសបច្ចេកវិទ្យាក៏បានអំពាវនាវដល់សាធារណជនទាំងអស់ ឱ្យមានការប្រុងប្រយ័ត្នក្នុងការផ្ទេរប្រាក់ ឬវិនិយោគណាមួយ តាមប្រព័ន្ធអនឡាញ ដោយត្រូវពិនិត្យលើឯកសារគត្តិយុត្តិរបស់ក្រុមហ៊ុន និង អត្តសញ្ញាណជនទទួលប្រាក់ឱ្យបានច្បាស់លាស់។

នាយកដ្ឋានប្រឆាំងបទល្មើសបច្ចេកវិទ្យា បានបង្ហាញពីជំហររបស់ខ្លួនយ៉ាងម៉ឺងម៉ាត់ ត្រៀមខ្លួនជានិច្ច ដើម្បីស្រាវជ្រាវ ទទួលពាក្យបណ្ដឹង និង បម្រើដល់សាធារណជនតាមតួនាទី ភារកិច្ច ដែលថ្នាក់ដឹកនាំ អគ្គស្នងការដ្ឋាននគរបាលជាតិ និង ក្រសួងមហាផ្ទៃ ប្រគល់ជូន។

សូមអានសេចក្ដីបំភ្លឺព័ត៌មានពិស្ដារដូចខាងក្រោម៖