យ៉ាងណាក៏ដោយកន្លងមកនៅមានប្រិយមិត្តយើងច្រើន ចោទជាសំណួរមកកាន់ Technology Cambodia ថាបើចង់ចាប់ផ្ដើមរកលុយដែរ គួរទៅរៀននៅឯណា។ ហេតុនេះក្នុងអត្ថបទនេះខ្ញុំសូមបង្ហាញនូវវេបសាយមួយ របស់ YouTube តែម្ដងដែលមានបង្រៀនពីរបៀបក្នុងការធ្វើ ឆានែល និងរកលុយនៅលើវិស័យមួយនេះ។

YouTube មានវេបសាយឈ្មោះថា Creator Academy មួយសម្រាប់បង្រៀនអ្នកដែលចង់ដឹង ចង់ប្រឡូកទៅលើការរកលុយពីិវិស័យវីឌីអូអនឡាញនេះ ហើយសម្រាប់អ្នកចងចង់ចេះសូមចុចចូលតាមតំណរនេះ៖ https://creatoracademy.youtube.com/page/home

នៅក្នុងវេបសាយនេះមានមេរៀនគ្រប់បែបយ៉ាងទាក់ទងនឹង YouTube ចាប់ផ្ដើមពី មូលដ្ឋានគ្រឹះ ចូលទៅកាន់យុទ្ធសាស្ត្រធ្វើវីឌីអូ បន្តដោយរបៀបធ្វើវីឌីអូ ការធ្វើនិងរៀបចំឆានែលឱ្យត្រូវ ការរកលុយនិងបម្លែងឆានែលជាអាជីវកម្ម ក៏ដូចជាបង្ហាញពីគោលការណ៍ច្បាប់ទម្លាប់មួយចំនួនដែលម្ចាស់ឆានែលត្រូវគោរពតាម។

នៅក្នុងមេរៀននីមួយៗត្រូវបានបង្ហាត់បង្ហាញដោយអ្នកជំនាញមកពីខាង​ YouTube ផ្ទាល់ក៏ដូចជា YouTuber ដែលកំពុងតែរកលុយគ្រាក់ៗពី YouTube។

សោកស្ដាយដែរ វេបសាយមួយនេះមិនទាន់មានជាខេមរភាសា នោះទេ ហេតុនេះប្រសិនបើអ្នកចង់រៀនជាភាសាខ្មែរ អាចចូល YouTube ហើយស្វែងរកមេរៀនជាភាសាខ្មែរវិញ ឬក៏អាចទិញមេរៀនគេដែលមានស្រាប់ៗយកមករៀនក៏បានដែរ៕