នេះគឺជាឱកាសល្អ មិនចេះតែងាយមានទេ ដោយនៅថ្ងៃទី១៥ ខែមករា ឆ្នាំ២០២៣នេះ CJCC ដែលមានទីតាំងនៅក្នុងបរិវេណសាកលវិទ្យាល័យភូមិន្ទភ្នំពេញ បានរៀបចំពិព័រណ៍ការងារដ៏ធំប្រចាំឆ្នាំ២០២៣ស និងមានក្រុមហ៊ុនក្នុងស្រុក អន្តរជាតិ ចូលរួមជ្រើសរើបបុគ្គលិកយ៉ាងច្រើនផងដែរ។
បើយោងតាមការចេញផ្សាយនៅលើផេកផ្លូវការបស់សាកលវិទ្យាល័យភូមិន្ទភ្នំពេញបានឱ្យដឹងថា ពិព័រណ៏ការងារ ឆ្នាំ២០២៣ នេះ គឺរៀបចំឡើងដោយមជ្ឈមណ្ឌលសហប្រតិបត្ដិការកម្ពុជា-ជប៉ុន (CJCC) ដោយក្នុងនោះអ្នកដែលពុំទាន់មានការងារ ឬចង់ផ្លាស់ប្ដូរការងារ អាចមកផ្ទាល់ ជួបផ្ទាល់ សម្ភាសន៍ផ្ទាល់ និងលេងហ្គេមសប្បាយៗ ជាមួយបណ្ដាក្រុមហ៊ុនធំៗជាច្រើនដែលនឹងមានវត្តមានចូលរួម ក្នុងថ្ងៃ «CJCC-ពិព័រណ៏ការងារ ឆ្នាំ២០២៣ » នេះ។
គូសបញ្ជាក់ថា សម្រាប់ពិពរណ៍ការងារប្រចាំឆ្នាំ២០២៣នេះដែរ លោកអ្នកអាចអញ្ជើញទៅចូលរួមបានដោយសេរី ចាប់ពីម៉ោង៨ព្រឺក ដល់ ម៉ោង៥ល្ងាច ស្ថិតក្នុងមជ្ឈមណ្ឌលសហប្រតិបត្ដិការកម្ពុជា-ជប៉ុន (CJCC)។ កុំភ្លេចដាក់ CV នឹងត្រៀមចម្លើយសម្រាប់ការសម្ភាសន៍ផងណា...ជូនពរជោគជ័យ!!!
