នៅក្នុងឱកាសនេះផងដែរ លោកស្រី Sabrina Meng អនុប្រធានបង្វិល និងជាប្រធានផ្នែកហិរញ្ញវត្ថុនៃក្រុមហ៊ុន Huawei បានធ្វើការផ្លែងបើកសុន្ទរកថា និងបានលើកឡើងយ៉ាងដូច្នេះថា «ដំណើវិវត្តន៍ទៅកាន់​ឌីជីថល​គឺជា​សមុទ្រ​ខៀវ​សម្រាប់​ឧស្សាហកម្ម​ទាំងមូល​។ ហើយក្រុមហ៊ុន Huawei នឹងបន្តវិនិយោគទៅលើផ្នែក ការតភ្ជាប់អ៊ីនធឺណិត កុំព្យូទ័រ Storage ផ្ទុកទិន្នន័យ និងបច្ចេកវិទ្យា Cloud»។

លោកស្រីបានបន្ដទៀតថា «យើងមានគោលបំណងផ្តល់ជូនអតិថិជនរបស់យើង នូវហេដ្ឋារចនាសម្ព័ន្ធបច្ចេកវិទ្យាឌីជីថល ដែលត្រូវបានបង្កើតឡើងយ៉ាងសាមញ្ញបំផុត ប៉ុន្ដែមានគុណភាពខ្ពស់បំផុត ដែលផ្តល់នូវបទពិសោធន៍ល្អ និងចំណាយទាបបំផុត។ គោលដៅរបស់យើង គឺជួយក្រុមហ៊ុនទាំងអស់ឡើងទៅលើឌីជិថលតាមរយៈ៤ដំណាក់កាល រួមមាន ជួយបង្កើតប្រតិបត្តិការណ៍ឌីជីថល បង្កើតផ្លែតហ្វមឌីជីថល ធ្វើឱ្យផ្លែតហ្វមទាំងអស់នោះមានភាពឆ្លាតវៃ ដែលអាចកាត់បន្ថយការប្រើប្រាស់ធនធាន​ និងមានភាពងាយស្រួលជាងមុន។ ហើយដំណាក់កាលចុងក្រោយ គឺដាក់ឱ្យបុគ្គលិកប្រើប្រាស់ផ្លែតហ្វមបច្ចេកវិទ្យាឆ្លាតវៃដែលបានបង្កើតឡើង។ ហើយនេះ គឺជាពេលវេលាដ៏ល្អ ដើម្បីរីកចម្រើនជាមួយអនាគតបច្ចេកឌីជីថលថ្មីដ៏គួរឱ្យរំភើបនេះ»។

ជាការចែករំលែកជុំវិញអនាគតនៃបច្ចេកវិទ្យាឌីជីថល​ លោកស្រី Meng ក៏បានធ្វើការលើកយកនូវចំណុចសំខាន់ៗចំនួន ៣ ដែលកើតចេញពីបទពិសោធន៍ជិត១០ឆ្នាំ នៅក្នុងដំណើរនៃការផ្លាស់ប្តូរឌីជីថលរបស់ក្រុមហ៊ុន Huawei​ ដូចខាងក្រោម​៖

ទី១ យុទ្ធសាស្រ្តគឺជារឿងសំខាន់និងចាំបាច់ណាស់៖ លោកស្រីបានពន្យល់ដូច្នេះថា កាលណានិយាយពីការវិវត្តន៍ផ្លាស់ប្តូរឌីជីថល គឺគេត្រូវនិយាយពីការរៀបចំផែនការយុទ្ធសាស្រ្ត និងជម្រើសជាយុទ្ធសាស្រ្តឱ្យបានត្រឹមត្រូវ។ ហើយរាល់ការវិវត្តន៍ផ្លាស់ប្ដូរទៅកាន់ឌីជីថលដែលទទួលទៅបាន គឺត្រូវជំរុញដោយយុទ្ធសាស្រ្តដ៏ល្អមួយ  មិនមែនបច្ចេកវិទ្យានោះទេ។ ហេតុនេះការរៀបចំផែនការណ៍យុទ្ធសាស្រ្ដក្នុងការអភិវឌ្ឍន៍ឱ្យបានត្រឹមត្រូវគឺជារឿងដែលចាំបាច់បំផុត។

ទី២ ទិន្នន័យគឺជាមូលដ្ឋានគ្រឹះ៖ ទិន្នន័យ (Data) គឺពិតជាសំខាន់ខ្លាំងណាស់ ហើយទិន្នន័យនឹងមានតម្លៃខ្លាំងនៅពេលដែល វាត្រូវបានគេយកទៅប្រើប្រាស់ក្នុងស្ថាប័នទាំងមូល។ ដូច្នេះការរៀបចំគ្រប់គ្រងនិងការប្រើប្រាស់ទិន្នន័យ គឺជាកូនសោរដ៏សំខាន់ឆ្ពោះទៅរកភាពរីកចម្រើន និងភាពជោគជ័យ។

ទី៣ ការប្រើបច្ចេកវិទ្យាឆ្លាតវៃគឺជាទិដៅ៖ ការផ្លាស់ប្ដូរប្រតិបត្តិការណ៍ស្ថាប័នទៅជាឌីជីថល ក៏ដូចជាការបង្កើតផ្លែតហ្វមឌីជីថលឆ្លាតវៃ សម្រាប់ប្រើប្រាស់ក្នុងស្ថាប័ន នឹងជួយឱ្យការប្រតិបត្តការណ៍ដំណើរការរលូន។ ហើយសម្រាប់ការគ្រប់គ្រងវ វិភាគ និងប្រើប្រាស់ទិន្នន័យនឹងកាន់តែមានភាពងាយស្រូលជាងមុនផងដែរ។ ការប្រើប្រាស់បច្ចេកវិទ្យាឌីជីថល និងជួយឱ្យយើងអាចវិភាគយកទិន្នន័យដែលចាំបាច់ ធ្វើឱ្យទិន្នន័យមានភាពងាយយល់ និងអាចយកទៅទាំងអស់នោះ ទៅបង្កើតជាផែនការណ៍សកម្មភាពសម្រាប់អនុវត្តន៍ឆ្ពោះទៅរកការផ្លាស់ប្ដូរឌីជីថលកម្រិតបន្ទាប់បាន។

នៅក្នុងឱកាសនេះផងដែរ លោក​បណ្ឌិត Zhou Hong ប្រធាន​វិទ្យាស្ថាន​ស្រាវជ្រាវ​យុទ្ធសាស្ត្រ​នៃក្រុមហ៊ុន Huawei ក៏​បានលើកឡើងនៅ​ក្នុង​ព្រឹត្តិការណ៍​នេះថា លោកបានរួមចំណែកជាមួយសម្មតិកម្ម និងចក្ខុវិស័យរបស់ក្រុមហ៊ុន Huawei សម្រាប់ពិភពឆ្លាតវៃនាពេលអនាគត ដែលលម្អិតអំពីរបៀបដែលយើងអាចផ្លាស់ប្ដូរបទពិសោធន៍ រចនាសម្ព័ន្ធចំណេះដឹងដែលស្ថិតក្រោមមូលដ្ឋានគ្រឹះនៃបច្ចេកវិទ្យាឆ្លាតវៃ។

លោក Zhou បានបន្ដទៀតថា​ «ការគិតឡើងវិញទៅលើប្រព័ន្ធបណ្ដាញ និងកុំព្យូទ័រ គឺសំខាន់ខ្លាំងណាស់ ខណៈពួកយើងកំពុងតែឆ្ពោះទៅកាន់ពិភពលោកដែលពោពេញដោយបច្ចេកវិទ្យាឆ្លាតវៃ។​ បន្ថែមពីនេះទៀត យើងក៏បាននឹង បន្ដស្រាវជ្រាវទៅលើបច្ចេកវិទ្យា AI សម្រាប់យកទៅប្រើប្រាស់ដើម្បីជំរុញវិស័យជាច្រើនផងដែរ។

ក្រោយពីបញ្ចប់សុន្ទរកថា សំខាន់ទាំងពីរខាងលើ កម្មវិធីបន្ទាប់ត្រូវបានបន្តដោយការបើកពិភាក្សាជាក្រុម ទៅលើថាតើផលិតភាពឌីជីថល ដើរតួចនាទីសំខាន់ដូចម្ដេចខ្លះ ក្នុងការជំរុញឌីជីថលនីយកម្មឧស្សាហកម្ម?  តើបញ្ហាប្រឈមអ្វីខ្លះដែលឧស្សាហកម្មជួបប្រទះក្នុងដំណើរការនៃការផ្លាស់ប្ដូរស្ថាប័នពួកគេទៅកាន់ឌីជីថល ការណែនាំនូវអ្វីសកម្មភាពត្រូវធ្វើពីអ្នកជំនាញ និងពិភាក្សាទៅលើការរំពឹងទុករបស់ស្ថាប័ននីមួយៗក្នុងដំណើរផ្លាស់ប្ដូរទៅកាន់ឌីជីថលរបស់ពួកគេ។

គូសជម្រាបផងដែរថា ឆ្នាំ២០២៣ គឺជាខួបគម្រប់ ២០ឆ្នាំរបស់ Huawei Global Analyst Summit ហើយ កិច្ចប្រជុំកំពូលនៅក្នុងឆ្នាំនេះ រួមជាមួយនឹងវគ្គចែកចេញជាទូលំទូលាយ ប្រព្រឹត្តទៅចាប់ពីថ្ងៃទី ១៩ ដល់ថ្ងៃទី ២០ខែមេសា ឆ្នាំ២០២៣។

សម្រាប់ព័ត៌មានបន្ថែម សូមចូលទៅកាន់គេហទំព័រ https://www.huawei.com/en/events/has