មុខងារ Story នៅក្នុងហ្វេសប៊ុកសម្រាប់ពេលបច្ចុប្បន្ននេះនៅក្នុងប្រទេសកម្ពុជាយើងគឺមិនទាន់មានកន្លែងសម្រាប់ដាក់ចម្រៀងដោយលោតជាមួយនឹង lyric នៅលើរូបភាពដែលយើងបានដាក់បញ្ចូលក្នុង Story នោះទេ ប៉ុន្តែសម្រាប់វីដេអូ គឺអាចដាក់បាន។
ដោយឡែកថ្ងៃនេះ Technology Cambodia នឹងនាំអ្នកទាំងអស់គ្នាទៅដឹងពីរបៀប២យ៉ាងក្នុងការដាក់ចម្រៀងដោយលោតអក្សរទៅតាមបទចម្រៀង បើទោះបីជាមុខងារនោះមិនទាន់បានដាក់ឱ្យប្រើប្រាស់ជាផ្លូវការនៅកម្ពុជាក៏ដោយ។
របៀបទី1
- ចូលទៅកាន់កន្លែង Add Story នៅលើហ្វេសប៊ុក
- បន្ទាប់មកជ្រើសរើសវីដេអូណាមួយដើម្បីដាក់
- ហើយបង្រួមវីដេអូនោះទៅម្ខាងឱ្យបាត់
- ហើយចុចលើពាក្យ Sticker ដើម្បីជ្រើសរើសរូបដែលយើងចង់ដាក់
- ចុចលើសញ្ញាចម្រៀង រួចធ្វើការបិទសម្លេងវីដេអូចោល ហើយរើសចម្រៀងដែលយើងចង់ដាក់
- ចុងក្រោយគ្រាន់តែចុចលើពាក្យ See More នៅខាងស្តាំ ហើចុចលើពាក្យ Caption ជាការស្រេច
របៀបទី2
សម្រាប់របៀបទី2 នេះគឺយើងមិនចាំបាច់ត្រូវការវីដេអូនោះទេប៉ុន្តែយើងត្រូវការ VPN ដើម្បីជំនួយវិញ ហើយចំពោះ Story ដែលយើងបានដាក់ក៏ស្អាតជាងរបៀបទី1ផងដែរ។
- ដំបូងអ្នកទាំងអស់គ្នាត្រូវចូលទៅទាញយក កម្មវិធី2គឺ OpenVPN និង OvpnSpider
- បន្ទាប់មកចូលទៅកាន់ OvpnSpider រួចរើសយកប្រទេសថៃ
- ហើយចុចសញ្ញាព្រួញខាងស្តាំដើម្បីបញ្ជូនវាភ្ជាប់ជាមួយនឹង OpenVPN
- បន្ទាប់មកចុចលើពាក្យ Add រួចចុចគ្រីសដើម្បីឱ្យវាលោតពាក្យថា Connected ព័ណ៌បៃតង
- ចូលទៅកាន់ Instagram ហើយធ្វើការ Add Story ជារូបភាពរបស់អ្នកបញ្ចូល
- ហើយចុចលើពាក្យ Sticker ខាងលើនោះអ្នកនឹងឃើញមុខងារ Music ហើយ
- ដូច្នេះអ្នកគ្រាន់តែ Share Story នេះទៅកាន់ហ្វេសប៊ុករបស់អ្នកជាការស្រេច ហើយយើងក៏អាចលុបវាចេញពី Instagram ដោយទុកតែក្នុង Facebook ក៏បានដែរ
គូសបញ្ជាក់ផងដែរថា សម្រាប់ VPN អ្នកអាចប្រើមួយណាក៏បានដែរ ដែលអ្នកគិតថាស្រួលប្រើ សំខាន់ឱ្យតែអាចភ្ជាប់ទៅថៃបានឬប្រទេសផ្សេងៗដែលមានមុខងារចម្រៀងនេះ ហើយបន្ទាប់ពី Add Story ហើយយើងបិទ VPN ចោលក៏បានដែរ។
អត្ថបទដោយ៖ រិន មករា
