កាលពីថ្ងៃទី១៣ ខែមករា ឆ្នាំ២០២៤ យប់មិញមិញនេះក្រុមហ៊ុនស្មាតហ្វូន HONOR Cambodia បានធ្វើការដាក់សម្ពោធជាផ្លូវការនូវកំពូលស្មាតហ្វូនដែលមានរូបរាងមាំ ធន តាន់គ្រប់ជ្រុង ឡានកិនមិនបែក នៅក្នុងបរិវេនផ្សារទំនើប K-Mall ដោយមានការចូលរួមពីសំណាក់តារាចម្រៀងល្បីៗប្រចាំប្រទេសកម្ពុជាលោក ថុល សុភិទិ, កញ្ញា Rabee, ក្រុម BURN FLASH ព្រមទាំងមានអ្នកចូលរួមយ៉ាងច្រើនកុះករផងដែរ។
តួរយ៉ាងនៅក្នុងកម្មវិធីសម្ពោធនេះយើងឃើញមានការឡើងធ្វើបទបង្ហាញពីខាងតំណាងរបស់ក្រុមហ៊ុន HONOR Cambodia ផងដែរអំពីភាពធនរបស់កំពូលស្មាតហ្វូន HONOR X9b 5G មួយនេះ ដោយគេបានយកវាទៅធ្វើតេស្តពីភាពរឹងមាំដែលឆ្លងកាត់ច្រើនដំណាក់កាល ដោយគេបានយកវាទៅវាយបំបែកផ្លែប៉ោម យកទៅដំបំបែកខ្ទឹមស យកទៅវាយបំបែកផ្លែខ្វិត យកទៅដំដែកគោល ហើយអ្វីដែលកាន់តែអស្ចារ្យទៅទៀតនោះគឺគេបានយកវាទៅដាក់ឲ្យឡានកិនក៏ឃើញថាគ្មានបញ្ហាដែរ។
លើសពីនេះទៅទៀត HONOR Cambodia ក៏បានធ្វើការចុះកិច្ចសន្យាជាមួយនឹងក្រុម E-Sport ល្បីឈ្មោះប្រចាំប្រទេសកម្ពុជា BURN X FLASH ផងដែរ។ មិនតែប៉ុណ្ណោះក៏មានការចូមរួមចាប់រង្វាន់តាមរយៈការ Live ផ្ទាល់ និងមានការចូលរួមប្រកួតដណ្តើមយកទូរស័ព្ទ HONOR X9b 5G ពីសំណាក់លោក ថុល សុភិទី កញ្ញា Rabee និងលោក Rongsong Sodaleap ផងដែរ ដោយបានយកស្មាតហ្វូនទៅវាយបំបែកផ្លែប៉ោម។ ជាពិសេសក៏មានការបើកឡានកិនទូរស័ព្ទឲ្យមើលជាក់ស្តែងថែមទៀតផង។
គូសបញ្ជាក់ផងដែរថា HONOR X9b 5G ដែលបានដាក់សម្ពោធកាលពីយប់មិញនេះគឺមានតម្លៃត្រឹមតែ $329 តែប៉ុណ្ណោះ ប៉ុន្តែអ្វីដែលយើងទួលបានគឺការរចនារូបរាងដ៏ស្រស់ស្អាតបំពាក់មកជាមួយនឹងខ្នងការពារប្រភេទស្បែកស្រួលកាន់ តាន់គ្រប់ជ្រុង មានអេក្រង់ប្រភេទ AMOLED ជាមួយនឹងកម្រិតបង្ហាញដល់ទៅ 1.5K RAMធំ 20GB (12GB+8GB) Memory 256GB, ទំហំថ្មធំ 5800mAh សាកម្តងលេងបាន 3ថ្ងៃ , កាម៉េរាថត Vlog 108MP។
