ប្រភពដដែលបានឱ្យដឹងថា ហាង Apple Store នៅអាមេរិកកំពុងលក់សោទ្វារខាងក្រៅ ដែលអាចដោះសោបានដោយប្រើ iPhone ឬ Apple Watch បាន ខណៈសោនេះមានតម្លៃត្រឹមតែ ៣២៩ដុល្លារ និងជាផលិតផលរបស់ Home Key ហើយក៏ជាទំនិញដំបូងបង្អស់ ដែលអនុញ្ញាតឱ្យលក់នៅក្នុង Apple Store។

សោឆ្លាតវៃនេះដំណើរការដោយបច្ចេកវិទ្យា NFC ដោយអ្នកប្រើប្រាស់គ្រាន់ប្រើមុខងារ Apple Home Key គឺអាចចាក់និងដោះសោបានហើយ។ យ៉ាងណាមិញ បើក្នុងករណីម្ចាស់ផ្ទះមិននៅ ហើយចង់ឱ្យនរណាម្នាក់ចូលផ្ទះរបស់ពួកគេបាន គេក៏បានផ្ញើលេខកូដសោរ ទៅកាន់សមាជិកគ្រួសារ ឬមិត្តភក្ដិបានផងដែរ។

គូសបញ្ជាក់ថា ប៉ុន្មានឆ្នាំចុងក្រោយនេះ Apple ព្យាយាមសហការ និងបន្ថែមមុខងារថ្មីៗតាមដែលអាចធ្វើទៅបាន ដើម្បីលើកតម្លៃទូរស័ព្ទ iPhone របស់ខ្លួន និងដើម្បីលួងចិត្តអ្នកប្រើ កុំឱ្យដូរទៅប្រើទូរស័ព្ទ ឬផលិតផលក្រុមហ៊ុនផ្សេង។

អត្ថបទដោយ៖ ផែន ផាន់ណា