នៅក្នុងពាក្យបណ្ដឹងនោះដែរអ្នកវិនិយោគលុយ Dogecoin ឈ្មោះ Johnson បានពង្រាយន័យសេចក្ដីថា “យើងបានដឹងថានៅក្នុងឆ្នាំ ២០១៩ កន្លងទៅ Dogecoin មិនទាន់មានតម្លៃ សម្រាប់ការផ្សព្វផ្សាយ ដើម្បីទទួលបានប្រាក់ចំណេញពីការជួញដូរនោះទេ ប៉ុន្តែលោក Elon Musk បានបោកបញ្ឆោតអ្នកគាំទ្រលោកថាលុយ “Dogecoin គឺអាចវិនិយោគបានដោយស្របច្បាប់” ខណៈលុយនេះមិនទាន់មានតម្លៃទាល់តែសោះ។

ដើមបណ្ដឹងក៏បានឱ្យដឹងបន្ថែមទៀតថា ចាប់តាំងពី Elon Musk ទិញ និងប្រឹងបំប៉ោងលុយ Dogecoin នេះមក បានធ្វើឱ្យគម្រោងមួយឈ្នោះថា Crypto Pyramid Scheme ត្រូវខាតបង់លុយជាង ៨៦ពាន់លានដុល្លារក្នុងឆ្នាំ ២០១៩។

គូសបញ្ជាក់ថាអ្នកវិនិយោគ Dogecoin ក៏បានបញ្ចាក់ពីភស្ដុតាងទៅលើសំណុំរឿងនេះថា Elon Musk ធ្លាប់បានប្រាស់ខ្លួនថាជា Dogefather ដែលនេះគឺជាពាក្យមួយឃ្លា បញ្ជាក់ន័យកាន់តែច្បាស់ក្រឡែតថា Elon Musk មានគម្រោងចង់គ្រប់គ្រងរូបិយប័ណ្ណគ្រីបតូ​(Dogecoin) ដូច្នេះ Elon ត្រូវតែទទួលខុសត្រូវលើការខាតបង់លុយរបស់ពួកគេ។

អត្ថបទដោយ៖ ផែន ផាន់ណា