នៅក្នុងការជួបសំដែងការគួរសមនេះ លោក​ លី សំរិទ្ធ អភិបាលរងខេត្ត តំណាងដ៏ខ្ពង់ខ្ពស់​ ឯកឧត្តម ទៀ សីហា អភិបាល​ នៃគណៈអភិបាលខេត្តសៀមរាប បានអនុញ្ញាតឲ្យ កញ្ញា​ ស៊ូ មីគីម នាយិកាវិទ្យាស្ថានបៃតងសាកល GGGI ប្រចាំនៅព្រះរាជាណាចក្រកម្ពុជា​ ដើម្បីធ្វើបច្ចុប្បន្នភាពរបស់គម្រោងសិក្សាសមិទ្ធិលទ្ធភាពពេញលេញរថយន្តក្រុងអគ្គិសនីក្រុងសៀមរាបរបស់វិទ្យាស្ថានបៃតងសកល GGGI ប្រចាំប្រទេសកម្ពុជា ដោយមានការអញ្ជើញចូលរួមពីនាយករដ្ឋបាលសាលាខេត្ត និងមន្ត្រីពាក់ព័ន្ធ។

រូបភាពគំរូ

គូសបញ្ជាក់ថា ខេត្តសៀមរាបគឺជាខេត្តមួយដ៏មានសក្កានុពលក្នុងចំណោមខេត្តជាច្រើនទៀតនៅក្នុងប្រទេសកម្ពុជា។ ថ្មីៗនេះសៀមរាបក៏ទើបនឹង សម្ពោធដាក់ឱ្យប្រើប្រាស់ស្ថានីយបញ្ចូលថាមពលយានយន្តអគ្គិសនី (EV Charging Station) ដែលមានទីតាំងស្ថិតនៅភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាបផ្ទាល់ផងដែរ៕

អត្ថបទដោយ៖ ផែន ផាន់ណា