ចំពោះការប្តូររូប (Icons) នៅលើកម្មវិធីដែលយើងកំពុងប្រើប្រាស់ក្នុង iPhone ឬយើងអាចហៅម្យ៉ាងទៀតថាប្តូរ Theme មានអ្នកប្រើប្រាស់ខ្លះបានដឹងឯអ្នកខ្លះទៀតក៏ពុំទាន់បានដឹងដូច្នេះថ្ងៃនេះ Technology Cambodia នឹងនាំអ្នកទាំងអស់គ្នាទៅចេះពីរបៀបងាយមួយនេះ។
មែនទែនទៅបើអ្នកអ្នកចង់បាន Theme ប្រើស្រាប់ៗគឺទាល់តែទាញយកពី App Store យកមកប្រើ ប៉ុន្តែត្រូវចំណាយលុយ ដោយឡែកនៅក្នុង iPhone ផ្ទាល់មានមុខងារមួយឈ្មោះថា Shortcut ពោលគឺវាអាចឱ្យអ្នកទាំងអស់គ្នាច្នៃបានតាមចិត្ត ហើយអ្នកអាចធ្វើតាមវិធីខាងក្រោមនេះបាន។
ដំណាក់កាលទី1
- ជាដំបូងចូលទៅកាន់ App Shortcut
- ចុចសញ្ញាលេខបូកខាងស្តាំលើគេ
- បន្ទាប់អ្នកនឹងឃើញពាក្យថា Open App ខាងក្រោមរួចធ្វើការចុចសញ្ញាលេខបូក ហើយរើសយក App ដែលអ្នកចង់ប្តូររូប
- ហើយចុចសញ្ញាត្រេបីខាងលើគេ
ដំណាក់កាលទី2
- ក្នុងដំណាក់កាលនេះអ្នកត្រូូវវាយឈ្មោះតាមដែលអ្នកចូលចិត្ត
- បន្ទាប់មករើសរូបមួយណាដែលចង់ដាក់លើ App ហើយចុចពាក្យ Add ខាងលើគេ
- ចុចលើពាក្យថា Add to Home Screen ហើយចុចលើពាក្យ Done លើគេជាការស្រេច។
អត្ថបទដោយ៖ រិន មករា
