កាលពីយប់ម៉ិញ Apple បានរៀបចំបង្ហាញព្រឹត្តិការណ៍មួយឈ្មោះថា WWDC ដោយក្នុងព្រឹត្តិការណ៍នោះ Apple បានធ្វើការបញ្ចេញផលិតផលថ្មីរបស់ខ្លួនជាពិសេសគឺកាធ្វើកំណែរទម្រង់ថ្មីទៅលើ iOS 16 តែម្តង។ ហើយចំពោះ iOS 16 ថ្មីនេះផងដែរគឺមានមុខងារពិសេសៗជាច្រើន ដែលអ្នកប្រើប្រាស់កំពុងទន្ទឹងរងចាំ។
ជាក់ស្តែងបើយោងទៅតាមការបង្ហាញរបស់ Apple ផ្ទាល់ ឃើញថាកំណែរទម្រង់ iOS 16 នេះបានអាប់ឌែតទៅលើមុខងារជាច្រើនដូចជា៖
- Visual Lookup Enhancement: ដោយយើងអាចធ្វើការលុបផ្ទៃ Background ខាងក្រោយនៃរូបរបស់យើងបានពេលដែលថតរួចដោយមិនប្រើកម្មវិធីផ្សេងមកជំនួសទេ។
- Live Text: ពីមុនមានតែនៅលើ រូបភាពតែសម្រាប់ iOS 16 គឺយើងអាចធ្វើការស្កេនអក្សរផ្សេងៗនៅលើវីដេអូដើម្បីបកប្រែឬក៏ Copy ទៅដាក់កន្លែងផ្សេងក៏បានដែរ។
យ៉ាងណាម៉ិញសម្រាប់ iOS 16 នេះនៅមានមុខងារពិសេសៗជាច្រើនទៀតដែលនឹងត្រូវដាក់ឱ្យប្រើប្រាស់នៅខែកញ្ញាខាងមុខងនេះហើយ ប៉ុន្តែសម្រាប់ម៉ូឌែល iPhone មួយចំនួន Apple ប្រហែលពិចារណាដាក់ចូលធ្វើជាវត្ថុបុរាណមែនទែនហើយដូចជា iPhone 6, iPhone 6s, iPhone 7, iPhone 7 Plus, iPhone SE 1 Generation គឺមិនទទួលបានការអាប់ឌែតថ្មីលើ iOS 16 ទេ។
ដូច្នេះសម្រាប់អ្នកដែលកំពុងប្រើប្រាស់ចាប់ពី iPhone 8 ឡើងលើនឹងទទួលបានការអាប់ឌែតថ្មីនៃ iOS 16 នេះ។ ហើយសម្រាប់អ្នកទាំងអស់គ្នាវិញកំពុងតែប្រើម៉ូឌែលណាដែរ?
អត្ថបទដោយ៖ រិន មករា
