កុំឲ្យអ្នកប្រើ iPhone រអ៊ូថា ទិញទូរស័ព្ទតម្លៃរាប់ពាន់ $ មកហើយ មានបញ្ហានេះ មានបញ្ហានោះ ឬក៏ក្តៅ ដដែលៗពេក ឥឡូវនេះឥឡូវនេះឮដំណឹងថា Apple ត្រៀមចេញ ប្រព័ន្ធគ្រប់គ្រងថ្មី បើទោះបីជា ទូរស័ព្ទ iPhone មិនទាន់បកចេញពីប្រអប់ក៏ដោយ ក៏ទទួលបានការអាប់ឌែត Software ជំនាន់ចុងក្រោយដូចគេដូចឯងដែរ។
ដូចទាំងអស់គ្នាដឹងហើយថា ថ្មីៗនេះមានអ្នកប្រើប្រាស់ iPhone ជាច្រើនបានរអ៊ូរទាំថាiPhone 15 Series ដែលគេទើបតែទិញហ្នឹងគឺ មានបញ្ហាក្តៅ ពិបាកនៅក្នុងការប្រើ ហើយក្រោយមក Apple ក៏បានបញ្ចេញកំណែរទម្រង់នៃការអាប់ឌែតថ្មីដើម្បីជួសជុលទៅលើBug ទាំងអស់នោះផងដែរ ។
បើយោងតាមអ្នកវិភាគល្បីឈ្មោះ លោក Mark Gurman មកពី Bloomberg បានឲ្យដឹងថា System ថ្មី របស់ Apple នេះ នឹងធ្វើការចូលទៅ អាប់ឌែត Software ជំនាន់ចុងក្រោយ នៅក្នុង iPhone ដោយមិនចាំបាច់ឲ្យអ្នកទាំងអស់គ្នាហែកប្រអប់ដើម្បីចុចអាប់ឌែតខ្លួនឯងទេ ដែល System ថ្មីនេះគេនឹងដាក់នៅតាម Apple Store តែម្តង។
យ៉ាងណាមិញសម្រាប់ដំណើរការនៃ System មួយនេះ Apple នឹងធ្វើការបង្កើតជាឧបករពិសេសមួយដែលអាចដាក់ជាទម្រប្រអប់ iPhone ដោយឧបករណ៍នោះ វាមានតួនាទី ចូលទៅ Access ក៏ដូចជាដំណើរការអាប់ឌែត Software ជំនាន់ចុងក្រោយរបស់ iPhone ក្នុងប្រអប់តាមរយៈ Wireless ពេលដែលអាប់ឌែតរួចវានឹងធ្វើការបិទគ្រឿងដោយខ្លួនឯង។
អ៊ីចឹងអ្នកដែលទិញ iPhone ថ្មី ពេលដែលបើកប្រអប់មកគឺទទួលបានការអាប់ឌែត Software ជំនាន់ចុងក្រោយតែម្តង ។ តែទោះបីជាយ៉ាងណាក៏ដោយ សម្រាប់ឧបករណ៍ ក៏ដូចជា System មួយនេះ Apple មិនទាន់ធ្វើការបញ្ចេញរូបរាងវាទេ អ៊ីចឹងមានតែចាំមើលទាំងអស់គ្នា។
អត្ថបទដោយ៖ រិន មករា
