App ដែលមានលក់ទំនិញសម្បូរបែបនេះ មានឈ្មោះថា eMallCambodia ដែលជាកម្មវិធី ប្រមូលផ្ដុំទៅដោយទំនិញរាប់ពាន់ រាប់ម៉ឺនមុខ ក្នុងកន្លែងតែមួយ។ លោកអ្នកអាចស្វែងរកទំនិញជាច្រើនប្រភេទដូចជា ទំនិញមួយទឹក បរិក្ខាប្រើប្រាស់ គ្រឿងអេឡិចត្រូនិក សម្ភារៈចិញ្ចឹមសត្វ ទូរស័ព្ទ និងគ្រឿងបន្លាស់ ផលិតផលខ្មែរ និងផលិតផលបញ្ចុះតម្លៃ។

បើតាមការបញ្ជាក់ពីស្ថាបនិក App eMallCambodia ប្រាប់ក្រុមការងារ Technology Cambodia បានឱ្យដឹងថា ការបង្កើតផ្លេតហ្វមនេះឡើង គឺដើម្បីផ្ដល់ភាពងាយស្រួលដល់អ្នកចូលចិត្តទិញទំនិញតាមអនឡាញ ព្រោះនៅបរទេស(ប្រទេសចិន)ជាដើម គឺប្រជាពលរដ្ឋគេ ប្រើប្រាស់ឌីជីថលស្ទើរតែទាំងអស់ ដូចជាការទិញឥវ៉ាន់អនឡាញ និងការទូទាត់ប្រាក់ជាច្រើន។

នៅលើ App eMallCambodia អតិថិជនអាចចូលទៅកុម្ម៉ង់ទិញទំនិញដែលមានបង្ហាញគ្រប់មុខបាន​ ជាមួយតម្លៃល្អ មានគុណភាព និងការធានាត្រឹមត្រូវ ជាពិសេសគឺមានសុវត្ថិភាពក្នុងការបញ្ជាទិញ។ អ្វីដែលពិសេសជាងគេនោះ សម្រាប់អ្នកដែលកុម្ម៉ង់ទិញទំនិញនៅក្នុង App ហើយប៉ះចំទំនិញណា ដែលអស់ស្ដុក នៅលុយនៅត្រឡប់ទៅឱ្យលោកអ្នកវិញ ដោយមិនមានការក្លែងបន្លំណាមួយឡើយ។ បន្ថែមពីលើនេះដែរ នៅលើ eMallCambodia នៅមានមុខងារ “ខ្ញុំដឹង” សម្រាប់អតិថិជនបង្ហោះវីដេអូខ្លីៗ និងមានប្រយោជន៍ ចូលទៅក្នុងនោះបានផងដែរ។

ចំណុចពិសេសមួយទៀតនោះ សម្រាប់លោកអ្នកដែលចង់ទិញទំនិញរបស់បរទេស ក៏អាចរកទិញនៅលើ eMallCambodia បាន ចំណែកលោកអ្នកដែលត្រូវការផលិតផលរបស់ខ្មែរ យកទៅប្រើប្រាស់ លោកអ្នកក៏អាចចូលទៅកាន់មុខងារ “ផលិតផលខ្មែរ” ដែលមាននៅលើ eMallCambodia នោះបងប្អូននឹងឃើញផលិតផលខ្មែរជាច្រើនមុខ ដូចជាប្រភេទអាហារ & កសិកម្ម, គ្រឿងអលង្ការ & សិល្បៈ, សម្លៀកបំពាក់, ផលិតផលសិប្បកម្ម, គ្រឿងសង្ហារឹម, និងផលិតផលឧស្សាហកម្មផ្សេងៗ របស់ខ្មែរផងដែរ។

គូសបញ្ជាក់ថា នៅលើ eMallCambodia ក៏មានមុខងារសម្រាប់ម្ចាស់អាជីវកម្ម ដាក់លក់ផលិតផលរបស់ខ្លួនបានដែរ ពោលគឺដូចទៅនឹងលោកអ្នកបើកហាងលក់អញ្ចឹងដែរ។ សម្រាប់ការដាក់លក់ផលិតផលនៅលើ eMallCambodia គឺពុំតម្រូវឱ្យបង់ថ្លៃឡើយ៕​

ទាញយក App eMallCambodia ទាំងនៅលើ App Store និង Play Store ។

អត្ថបទដោយ៖ ផែន ផាន់ណា