ឧទាហរណ៍ Comment ដែលអាចធ្វើឲ្យ Facebook ប្លុកគណនី ឬជាប់ Disable

ខាងក្រោមនេះជាឧទាហរណ៍ជាក់ស្ដែងនៃ Comment ៥ ប្រភេទដែលខ្ញុំបានរៀបរាប់ខាងលើ ដែលអាចបណ្ដាលឲ្យគណនី Facebook របស់អ្នកត្រូវបានប្លុក៖

1. មតិមានខ្លឹមសារហិង្សា ឬបង្កជម្លោះ (Hate Speech/Violence Incitement)

• ឧទាហរណ៍: "ពួកអាក្បាលគីង្គក់អស់ហ្នឹង សមតែងាប់ចោលទៅ!" (ជាពាក្យពេចន៍ប្រមាថធ្ងន់ធ្ងរ និងអំពាវនាវឲ្យមានអំពើហិង្សាលើក្រុមមនុស្សណាមួយ)
• មូលហេតុ: រំលោភលើគោលការណ៍ Hate Speech និង Incitement to Violence។

2. មតិបំពានលើភាពឯកជន ឬការគំរាមកំហែង (Harassment/Privacy Violation)

• ឧទាហរណ៍: "នាងម្នាក់ហ្នឹងឈ្មោះ [ឈ្មោះមនុស្ស] នៅផ្ទះលេខ [លេខផ្ទះ] ផ្លូវ [ឈ្មោះផ្លូវ] ខេត្ត [ខេត្ត] ហ្អែងប្រយ័ត្នផងទៅ!" (ជាការបង្ហាញព័ត៌មានផ្ទាល់ខ្លួនរបស់អ្នកដទៃដោយគ្មានការអនុញ្ញាត និងការគំរាមកំហែង)
• មូលហេតុ: រំលោភលើគោលការណ៍ Privacy Violation និង Harassment។

3. មតិជា Spam ឬពាណិជ្ជកម្មច្រើនហួសហេតុ (Spam/Excessive Commercial Content)

• ឧទាហរណ៍: (បង្ហោះ Comment ដដែលៗ ៥-១០ ដងក្នុងមួយនាទី) "ចង់បានកម្ចីរហ័សទាន់ចិត្ត មូលគន្ធិទាប ទំនាក់ទំនងលេខ 012345678 ឬចុច Link នេះ [Link គួរឲ្យសង្ស័យ]"
• មូលហេតុ: រំលោភលើគោលការណ៍ Spam និង Unauthentic Behavior។

4. មតិមានខ្លឹមសារអាសអាភាស ឬរូបភាពមិនសមរម្យ (Pornography/Inappropriate Content)

• ឧទាហរណ៍: "រូបភាព [ពិពណ៌នាអំពើផ្លូវភេទច្បាស់ៗ] នេះពិតជាឡូយមែន!" ឬការបង្ហោះ Link ទៅកាន់វីដេអូអាសអាភាស។
• មូលហេតុ: រំលោភលើគោលការណ៍ Sexual Exploitation និង Nudity & Sexual Activity។

5. មតិបន្លំ ឬព័ត៌មានមិនពិត (Impersonation/Misinformation)

• ឧទាហរណ៍: "ខ្ញុំជា [ឈ្មោះតារាល្បី] ខ្ញុំនឹងចាប់ឆ្នោតចែកលុយ $10,000 ឲ្យអ្នកទាំងអស់គ្នាគ្រាន់តែ Like & Share!" (ជាការបន្លំខ្លួន និងព័ត៌មានបោកប្រាស់)
• មូលហេតុ: រំលោភលើគោលការណ៍ Impersonation និង False News/Misinformation។

គូសបញ្ជាក់ផងដែរថា ការ Comment បែបនេះមិនមែនមានន័យថា Facebook នឹងប្លុកភ្លាមៗនោះទេ តែបើមានការ Report ច្រើនដង ឬប្រព័ន្ធ AI របស់ Facebook ចាប់បាននោះ គណនីរបស់អ្នកនឹងត្រូវពិនិត្យ ហើយអាចនឹងត្រូវប្លុកតែម្តង។

 អត្ថបទដោយ៖ ងួន ឃុនណា