1.Google Workspace (Google Docs, Sheets, Slides, Drive)

• Google Docs: សម្រាប់កែសម្រួលឯកសារអត្ថបទ ដូចជា Microsoft Word អញ្ចឹងដែរ ប៉ុន្តែមានចំណុចពិសេសត្រង់ ការចែករំលែក និងធ្វើការជាមួយគ្នាបានច្រើននាក់ក្នុងពេលតែមួយ។ អ្នកអាចមើលឃើញការកែប្រែរបស់មិត្តរួមការងារបានភ្លាមៗ។
• Google Sheets: ស្រដៀងនឹង Microsoft Excel ដែរ ងាយស្រួលក្នុងការបង្កើតតារាងគណនេយ្យ បញ្ជីទិន្នន័យ និងវិភាគទិន្នន័យ។ ក៏មានមុខងារ ចែករំលែក និងធ្វើការរួមគ្នា ផងដែរ។
• Google Slides: សម្រាប់បង្កើត បទបង្ហាញ ដូចជា PowerPoint។ ងាយស្រួលក្នុងការឌីហ្សាញ និងចែករំលែកបទបង្ហាញរបស់អ្នក។
• Google Drive: ជា កន្លែងផ្ទុកឯកសារអនឡាញ ដែលអ្នកអាចរក្សាទុកឯកសារគ្រប់ប្រភេទ ហើយអាចចូលប្រើបានគ្រប់ទីកន្លែងដែលមានអ៊ីនធឺណិត។

2. Slack

Slack គឺជា កម្មវិធីទំនាក់ទំនងក្នុងអង្គភាព ដ៏មានប្រជាប្រិយភាព។ វាជួយសម្រួលដល់ការផ្ញើសារការចែករំលែកឯកសារ និងការពិភាក្សានៅក្នុងក្រុមការងារ។ អ្នកអាចបង្កើតជា ឆានែល តាមប្រធានបទ ឬក្រុមការងារនីមួយៗ ដើម្បីឱ្យការទំនាក់ទំនងកាន់តែមានរបៀបរៀបរយ និងងាយស្រួលរក។

3. Trello / Asana

ទាំង Trello និង Asana សុទ្ធតែជា ឧបករណ៍គ្រប់គ្រងគម្រោងដែលមានប្រសិទ្ធភាព។

·         Trello: ប្រើប្រាស់កាត និងក្តារក្នុងទម្រង់ងាយស្រួលមើលឃើញ វឌ្ឍនភាពការងាររបស់បុគ្គលិកម្នាក់ៗ ឬគម្រោងនីមួយៗ។

·         Asana: ផ្ដល់មុខងារច្រើនជាង ដូចជា ការកំណត់ កាលបរិច្ឆេទ ការ តាមដានភារកិច្ច និងការរាយការណ៍ពីវឌ្ឍនភាពគម្រោង។

4. Notion

Notion គឺជា កម្មវិធីដែលមានលក្ខណៈច្រើនយ៉ាង។ អ្នកអាចប្រើវាសម្រាប់ កត់ត្រាចំណាំ បង្កើតបញ្ជីការងារគ្រប់គ្រងចំណេះដឹងរបស់ក្រុមហ៊ុន និង គ្រប់គ្រងគម្រោង បានទៀតផង។ វាមាន ភាពបត់បែនខ្ពស់ ក្នុងការរៀបចំទម្រង់ និងមុខងារផ្សេងៗ។