១ ជំនាញទីផ្សារឌីជីថល Digital Marketing 
- សម្រាប់ទីផ្សារការងារស្រុកខ្មែរប្អូនៗអាចផ្ដោតរៀនពីការធ្វើទីផ្សារលើបណ្ដាញសង្គម (Social Media Marketing) មុនបាន ខណៈបច្ចុប្បន្នមានម្ចាស់អាជីវកម្មជាច្រើនកំពុងតែត្រូវការអ្នកជំនាញដែលចេះធ្វើទីផ្សារលើបណ្ដាញសង្គមធំៗដូចជា Facebook និង TikTok ជាដើម ដើម្បីជំរុញអាជីវកម្មរបស់ពួកគេ។ 

២ ជំនាញ Graphic Design និងកាត់តវីដេអូ
- ការធ្វើទីផ្សារឌីជីថលកាន់តែច្រើន គេកាន់តែត្រូវការអ្នកជំនាញ ក្រាហ្វិចឌីហ្សាញ អ្នកថត និងកាត់តវីដេអូកាន់តែច្រើនដូចគ្នា ។

៣ ជំនាញផលិតមាតិកា Content Creator 
- មាតិកាមានច្រើនប្រភេទ មានទម្រង់ជាអត្ថបទ រូបភាព និងវីដេអូ។ 
- ចេះជំនាញនេះអាចធ្វើជាអ្នកយុទ្ធសាស្ដ្រមាតិកា ឲ្យក្រុមហ៊ុនផ្សេងៗ សម្រាប់ធ្វើទីផ្សារឌីជីថល ឬក៏អាចផលិតវីដេអូដើម្បីធ្វើខ្លួនជា Content Creator ដោយអាចរកចំណូលពីការជួយផ្សព្វផ្សាយជូនក្រុមហ៊ុនផ្សេងៗ ឬម្ចាស់ប្រេនអាជីវកម្ម និងអាចបានចំណូលពី Platform ដូចជា YouTube, Facebook ឬ TikTok Monetization ឬលក់ផលិតផលផ្ទាល់ខ្លួនក៏បាន។

ជាចុងក្រោយ លោក ម៉ម ណាវ៉ាសិរិ បានបញ្ជាក់ផងដែរថា អ្នកគួរតែដើរតាមឲ្យទាន់ជាមួយសម័យកាលជំនាញឌីជីថលលើការប្រើប្រាស់ AI ។ ហេតុដូច្នេះហើយ ២០២៥ ជំនាញក្នុងការប្រើប្រាស់ AI ជាជំនាញមួយដែលអ្នកមិនគួរមើលរំលងនោះឡើយ ដែលវានឹងជួយអោយអ្នកបង្កើតប្រសិទ្ធិភាពការងារ និងពេលវេលារបស់អ្នករហ័សនៅពេលដែលអ្នកអាចធ្វើកិច្ចការងារទាំងនោះបានលឿន និងអាចទទួលបានចំណូលពីវាផងដែរ។ 

អត្ថបទដោយ៖ ងួន ឃុនណា