១. iPhone 13 mini

នេះគឺជាម៉ូឌែលដែលមានហានិភ័យខ្ពស់បំផុត ទោះបីជាវាមានឈីប A15 Bionic ខ្លាំងក៏ពិតមែន ប៉ុន្តែដោយសារ ទំហំថ្មតូចបំផុត ក្នុងចំណោមត្រកូលលេខ១៣។ នៅពេល iOS 26 ឬ 26.1 ដាក់បញ្ចូលនូវមុខងារ AI កាន់តែស្មុគស្មាញ និងការទាមទារការងារ Background កាន់តែច្រើន វានឹងធ្វើឱ្យថ្មតូចមួយនេះឆាប់អស់លឿនបំផុត រហូតដល់ថ្នាក់អាចនឹងត្រូវសាកថ្ម ២-៣ ដងក្នុងមួយថ្ងៃសម្រាប់កិច្ចការទូទៅ។

២. iPhone 13 (ម៉ូឌែលធម្មតា)

នៅឆ្នាំ ២០២៦ iPhone 13 នឹងមានអាយុកាល ៥ ឆ្នាំ។ ដល់ពេលនោះ គុណភាពថ្ម (Battery Health) របស់វានឹងធ្លាក់ចុះមកនៅកម្រិតទាប (ក្រោម ៨០%)។ ការរត់ប្រព័ន្ធប្រតិបត្តិការជំនាន់ថ្មីដែលមានក្រាហ្វិកខ្ពស់ និងមុខងារឆ្លាតវៃនៅលើម៉ាស៊ីនដែលចាស់ នឹងធ្វើឱ្យ Processor ដើរពេញបន្ទុក ដែលជាហេតុនាំឱ្យភាយកម្ដៅខ្លាំង និងស៊ីថ្មខ្លាំងដូចគ្នា។

៣. iPhone 14 (ម៉ូឌែលធម្មតា)

iPhone 14 ប្រើប្រាស់បន្ទះឈីប A15 Bionic ដូចនឹង iPhone 13 ដែរ (គ្រាន់តែបន្ថែម GPU ១គ្រាប់)។ នៅពេល iOS 26 ឬ 26.1 ចេញមក វាអាចនឹងត្រូវបានរចនាឡើងសម្រាប់ឈីបត្រកូល Pro (A17, A18, A19)។ ដូច្នេះ iPhone 14 នឹងត្រូវប្រឹងប្រើកម្លាំងម៉ាស៊ីនខ្លាំងដើម្បីដើរឱ្យទាន់ Software ថ្មី ដែលចំណុចនេះហើយដែលធ្វើឱ្យថាមពលថ្មធ្លាក់ចុះលឿន។

ចំណុចដែលអ្នកគួរដឹងមុនដំឡើង iOS 26 ៖

ប្រសិនបើអ្នកប្រើម៉ូឌែលខាងលើហើយចង់ដំឡើងដោយមិនសូវស៊ីថ្មអ្នកគួរដឹង៖

• ពិនិត្យសុខភាពថ្ម៖ ប្រសិនបើ Battery Health ទាបជាង ៨០% គួរដូរថ្មថ្មីមុននឹងអាប់ដេត។
• កុំអាប់ដេតភ្លាមៗ៖ គួររង់ចាំមើល Feedback ពីអ្នកប្រើប្រាស់ផ្សេងទៀត ឬរង់ចាំដល់ Version iOS 26.1 ឬ 26.2 ដើម្បីឱ្យប្រព័ន្ធមានស្ថេរភាពសិន។
• សម្អាតផ្ទុកទិន្នន័យ (Storage): ទុកកន្លែងទំនេរយ៉ាងតិច ១០-១៥GB ដើម្បីឱ្យ System ដើរបានស្រួល មិនបង្ខំម៉ាស៊ីនខ្លាំង។