Nissan Kicks ត្រូវបានកែសំរួលថ្មីទាំងស្រុងសម្រាប់ជំនាន់ថ្មី។ វាមានទំហំធំជាងមុន ម៉ាស៊ីនមានកម្លាំងខ្លាំងជាងមុន បច្ចេកវិទ្យាប្រសើរជាងមុន និងមានជម្រើសប្រើប្រព័ន្ធ (All-Wheel Drive)។ ប៉ុន្តែប្រសិនបើការរចនា និងទំហំធំនេះមិនសមនឹងចិត្តអ្នកប្រើប្រាស់ Nissan នៅតែបន្តលក់ម៉ូដែល SUV ខ្នាតតូចចាស់គឺម៉ូដែល Kicks Play ។
Kicks Play ស៊េរីចាស់នេះនឹងត្រូវបានលក់សម្រាប់ឆ្នាំ 2025 មានតែជម្រើស S Trim តែប៉ុណ្ណោះ។ វាប្រើម៉ាស៊ីន 4 ស៊ីឡាំងមានកម្លាំង 122 សេះ ប្រអប់លេខ (CVT) និងប្រព័ន្ធបង្វិលកង់ខាងមុខ (Front-Wheel Drive)។ សម្រាប់ប៊ែនស៊ីចាប់ផ្តើម ម៉ូដែល S Trim ផ្តល់ជូនអេក្រង់ទំហំ 7.0 អ៊ីញ ប្រព័ន្ធសម្លេងគឺបាស់ 6 គ្រាប់ និងផ្ចាប់មកជាមួយ Apple CarPlay និង Android Auto។
Kicks Play 2025 នឹងដាក់លក់ដើមឆ្នាំក្រោយ ដោយមានតម្លៃចាប់ផ្តើមពី $22,910 ដែលថោកជាងម៉ូដែលថ្មី $310។នេះមិនមែនជាលើកដំបូងដែល Nissan ទុកម៉ូដែលចាស់លក់ជាមួយម៉ូដែលថ្មីទេ Nissan ក៏ធ្លាប់លក់ Rogue ជំនាន់ទីមួយជាមួយម៉ូដែលថ្មី Rogue Select ដែរ។ ក្រុមហ៊ុនផលិតរថយន្តផ្សេងៗក៏ធ្លាប់ប្រើយុទ្ធសាស្រ្តដូចគ្នា ដោយ Ram ក៏ធ្លាប់ដាក់លក់ 1500 Classic រហូតដល់ពេលថ្មីៗនេះ។
