នេះគឺជា Tablet កម្រិតថវិការរបស់ Mi ឈ្មោះថា Redmi Pad តម្លៃវាតែជាង200ដុល្លារទេ តែរាងរៅវិញសឹងតែប្រហែលពួក Flagship ដែរ វាមានអេក្រង់2K Speaker 4គ្រាប់ អាចស្តាប់ Surround sound បានដូចក្នុងរោងកុន ហើយក្នុងវីដេអូនេះនឹងខ្ញុំនឹងបង្ហាញអ្នកទាំងអស់គ្នាពីមុខងារពិសេសមួយចំនួនទៀត ដែលគេបញ្ចូលនៅក្នុង Redmi Pad នេះ។
Design
សម្រាប់ការចនារូបរាងខាងក្រៅរបស់ Redmi Pad នេះឃើញថា វាមានលក្ខណៈសាមញ្ញ ស្អាត មិនកាចពេកហើយក៏មិនស្លូតពេកដែរ។ ហើយចំពោះអេក្រង់របស់វាវិញគឺមានទំហំ 10.61អិញ ប្រភេទ IPS LCD អាបង្ហាញបានដល់កម្រិត 2K និងអាចបញ្ចេញបានដល់ 1ពាន់លានពណ៌ ប៉ុន្តែសម្រាប់ខ្ញុំផ្ទាល់ខ្ញុំឃើញថាអេក្រង់ 2K ហ្នឹងមានសឹងតែគ្រប់ Tablet ដែលមានកម្រិតតម្លៃប្រហាក់ប្រហែលគ្នាហ្នឹង។ អ៊ីចឹងបើនិយាយពីគុណភាពនៃការបង្ហាញវិញគឺវាអាចបញ្ចេញពណ៌មកបានដិតច្បាស់ល្អ មិនសូវជាធ្វើឱ្យស្លេកប៉ុន្មានទេពេលដែលយើងមើលវានៅកន្លែងដែលមានពន្លឺចាំងចូលខ្លាំង ព្រោះថាអានេះអាចបញ្ចេញពន្លឺបានរហូតដល់ 400nits។
អេក្រង់របស់ Redmi Pad មួយនេះគឺបើយើងមើលទៅគឺមិនសូវជាសល់គែម Bezel ធំដែលធ្វើឱ្យយើងពិបាកមើលប៉ុន្មានទេនិយាយទៅគឺគេមកសល់តូចល្មម ហើយសម្រាប់ការមើលវីដេអូនៅលើ YouTube អីក៏មិនសល់គែមលើក្រោម ហើយពង្រីកមកក៏ដាច់សាច់វីដេអូដែរ។
មួយទៀតអេក្រង់របស់ Redmi Pad មួយនេះគឺមាន Refresh Rate ត្រឹមតែ 90Hz ទេ ប៉ុន្តែខ្ញុំគិតថាល្បឿន Refresh Rate ប៉ុណ្ណឹងវាអត់ចោទជាបញ្ហាទេកុំឱ្យតែធ្លាក់ដល់ 60Hz អីអាហ្នឹងបានត្រូវបារម្ភ ហើយបើតាមបទពិសោធន៍ជាក់ស្តែងរបស់ខ្ញុំកន្លងមក ខ្ញុំអាចអូសលេងហ្គេមបានបានរអិលមិនទាក់ប៉ុន្មានទេ ហើយចំពោះការ Preview ក៏ដូចជា Playback ទៅលើការកាត់វីដេអូក៏ធូរដែរ។
ប៉ុន្តែប្រសិនបើយើងចង់សន្សំថ្មមិនចង់ឱ្យអស់ឆាប់ពេក យើងអាចកំណត់ Refresh Rate ឱ្យមកនៅត្រឹមតែ 60Hz ក៏បានចឹងម៉ាស៊ីនវានឹលៃលកទៅតាមហ្នឹងហើយ។
Speaker
អ៊ីចឹងសម្រាប់ Speaker របស់វាវិញគឺមាន 4គ្រាប់ដែលលើ2ក្រោម2 ដែលបំពាក់មកជាមួយបច្ចេកវិទ្យា Dolby Atmos សម្រាប់គុណភាពវិញគឺវាអាចបញ្ចេញសំឡេងមកក្រៅបានឮស្អាតល្អ និងបុកណែនទៀត ហើយដូចខ្ញុំបានបញ្ជាក់នៅខាងលើចឹង វាបំពាក់មកជាមួយនឹងបច្ចេកវិទ្យា Dolby Atmos ដែលធ្វើឱ្យបទពិសោធន៍នៃការស្តាប់សំឡេងពេលដែលយើងមើលរឿងអីផ្សេងៗដែលមានមកជាមួយនឹង Surround Sound គឺអានេះធ្វើបានល្អមែនទែន។
មួយទៀត អ្នកទាំងអស់គ្នាមានឃើញរន្ធមួយនៅក្បែរន្ធ Mic ហ្នឹងអត់ ហើយអាហ្នឹងមិនជារន្ធសម្រាប់ដាក់ស៊ីមអីទេ និយាយទៅវាគឺជារន្ធសម្រាប់ដាក់ microSD ទេ។
Feature
ចំពោះមុខងារទូរទៅដែលយើងតែងតែឃើញមាននៅលើ Tablet នោះគឺ Split Screen អ៊ីចឹងមុខងារហ្នឹងគឺអាចឱ្យយើងធ្វើការងារបានស្រួលមែនទែន ដោយមិនចាំបាច់ថយចេញពីកម្មវិធីត្រឡប់ចុះត្រឡប់ឡើងទេ។
យ៉ាងណាមិញខ្ញុំគិតថាវាក៏នៅមានមុខងារ2ទៀតដែលខ្ញុំគិតថាប្លែកដែរគឺ ការបង្ហាញល្បឿនអិនធឺណេតជាមួយនឹងការស្តាយបង្ហាញភាគរយថ្ម។
ចឹងចំពោះមុខងារ Connection Speed គឺវាអាចឱ្យយើងដឹងពីល្បឿននៃអិនធឺណេតដែលយើងកំពុងតែប្រើប្រាស់ហើយដើម្បីអាចចូលទៅបើកមុនងារហ្នឹងបានគឺគ្រាន់តែចូលទៅកាន់ Setting>Notification and Control Center>Status bar>បន្ទាប់មកចុចបើកលើមុងារ Show connection speed ហ្នឹងមក។
មួយទៀតគឺជម្រើសនៃការបង្ហាញភាគរយថ្ម ហើយក្នុងហ្នឹងវាមាន4ជម្រើសសម្រាប់ឱ្យយើងជ្រើសរើស ដូច្នេះអ្នកអាចរើសបានតាមចំណង់ចំណូលចិត្ត។
Specification
សម្រាប់ Spec របស់ Redmi Pad នៅនឹងដៃខ្ញុំនេះគឺបំពាក់ទៅដោយឈីប 6nm MediaTek helio G99ប្រើជាមួយ Android 12 និង MIUI 13 រួមជាមួយនឹងទំហំ RAM 8GB ក៏ដូចជា Storage 128GB ផងដែរ។
ហើយសម្រាប់កម្លាំងរបស់វាវិញក៏មិនខ្សោយណាស់ណាដែរ និយាយទៅក្រៅតែពីធ្វើការងារធម្មតាទូទៅ ខ្ញុំអាចលេងហ្គេមបានធំៗមួយចំនួនបាន មិនទាក់ទេហើយខ្ញុំបានតេស្តទៅលើហ្គេមដូចជា Call of Duty, Alphart 9, វាអាចរត់បាន Smooth គ្រាន់បើដែរ ហើយចំពោះ Graphic វិញក៏បញ្ចេញមកបានត្រជាក់ភ្នែកដែរ។
Camera
Redmi Pad មួយនេះមានកាមេរ៉ាក្រោយទំហំ 8MP ដែលជំនួយក្នុងការថតរូប ប៉ុន្តែសម្រាប់រូបភាពដែលចេញមកគឺមិនសូវច្បាស់ប៉ុន្មានទេ តែខ្ញុំគិតថាវាមិនមែនជារឿងចម្លែកព្រោះ Tablet គេធ្វើមកមិនមែនសម្រាប់ផ្តោតទៅលើការថតអីប៉ុន្មានទេ។
ហើយកាមេរ៉ាមុខក៏អ៊ីចឹងដែរវាមានទំហំ 8MP ដូចគ្នា ហើយខ្ញុំគិតថាគេដាក់កាមេរ៉ានេះមកគឺដើម្បីទុកសម្រាប់ Call Video ។
Battery
ចំពោះថ្មរបស់វាវិញមានទំហំ 8000mAh ដែលទំហំថ្មធំប៉ុណ្ណឹងវាកាន់ថ្មបានគួរសម ប្រសិនបើយើងប្រើវាសម្រាប់ធ្វើការទូទៅគឺអាចតស៊ូបានពីព្រឹកដល់ម៉ោងងូតទឹកហើយចូលដេកឯណោះ ប៉ុន្តែប្រសិនបើថ្ងៃណា Stress ចង់វៃហ្គេមអីគឺវាអាចតស៊ូបានតែពេលព្រឹកដល់ពេលជិះម៉ូតូចេញទៅផ្ទះទេ។
អត្ថបទដោយ៖ រិន មករា