សល់តែ3ថ្ងៃទៀតទេ Samsung នឹងមានព្រឹត្តិការណ៍ធំមួយគឺ Galaxy Unpacked ដែលនៅក្នុងព្រឹត្តិការណ៍មួយនេះ Samsung នឹងធ្វើការបញ្ចេញនូវផលិតផលពិសេសៗរបស់ខ្លួនប្រចាំឆ្នាំប៉ុន្តែយើងមិនទាន់ដឹងច្បាស់ថា Samsung នឹងមានផលិតផលអ្វីដើម្បីមកពញ្ញាក់អារម្មណ៍យើងទេ។ ដោយឡែកបើយោងតាម GSMARENA បានធ្វើការបង្ហាញនូវផលិតផលមួយចំនួនដែលគេរំពឹងថានឹងមាននៅក្នុងព្រឹត្តិការណ៍ Galaxy Unpacked ។
Galaxy S23 Series
សម្រាប់ផលិតផលធំដែលគេចង់ឃើញជាងគេនោះគឺកំពូលស្មាតហ្វូន Galaxy S23 Series ដោយក្នុងនោះមាន Galaxy S23 Ultra, S23+, និង S23។ លើសពីនេះទៅទៀតសម្រាប់មូដែល S23 Ultra នៅក្នុងឆ្នាំគឺគេរំពឹងថាវានឹងមានការអាប់ឌែតច្រើនទៅលើកម្លាំងម៉ាស៊ីន មុខងារពិសេសៗជាជាង ការអាប់ឌែតទៅលើរូបរាងរបស់វា។
ប្រភពដដែលក៏៏បានធ្វើការបង្ហើបពី Spec និងមុខងារផ្សេងរបស់ Galaxy S23 Ultra មួយចំនួនដែរដោយវានឹងរក្សារូបរាងជាខ្សែស្រឡាយត្រកូល Galaxy Note មកដដែលដោយបំពាក់មកជាមួយនឹង S Pen ភ្ជាប់មកជាមួយតួខ្លួនតែម្តង។ ហើយចំពោះទំហំអេក្រង់គឺ 6.8អិញដដែល មានទំហំថ្ម 5,000mAh ជាមួយនឹងល្បឿនសាក 45W។
បើទោះបីជារូបរាងមិនសូវមានការផ្លាស់ប្តូរពិតមែន ប៉ុន្តែសម្រាប់ S23 Ultra នេះគេរំពឹងថានឹងបំពាក់មកជាមួយឈីបកំពុលរបស់ Qualcomm គឺ Snapdragon 8 Gen 2 ជាមួយនឹងប្រព័ន្ធដំណើរការ 4nm ដែលវាអាចឱ្យកម្លាំងនៃកំពូលស្មាតហ្វូនមួយនេះកាន់តែខ្លាំងជាងមុន។ ក្រៅពីនេះ Samsung នឹងធ្វើការអាប់ឌែតទៅលើកាមេរ៉ា និងកម្រិតភាពច្បាស់នៃការថតរូបនិងវីដេអូជាដើម។
ចំពោះ S23 Ultra ម្តងនេះនឹងបំពាក់មកជាមួយកាមេរ៉ាទំហំ 200MP ប្រភេទសេនស័រ ISOCELL HP2 ហើយប្រភេទសេនស័រថ្មីនេះនឹងពង្រឹងលើការថតពេលយប់ Night mode image និងពង្រឹងលើការថត Portrait Video ជាពិសេសវាអាចថតវីដេអូបានដល់កម្រិត 8K 30fps ឯណោះ។ មិនតែប៉ុណ្ណោះសម្រាប់ Galaxy S23 Ultra នេះ Samsung នឹងធ្វើការពង្រឹងគុណភាពឱ្យកាន់តែខ្លាំងចំពោះកម្រិត Zoom 100X ដែលថតពង្រីកមើលដល់ភពព្រះច័ន្ទកាន់តែច្បាស់។
សម្រាប់ម៉ូដែល2ផ្សេងទៀតក៏ Samsung បានបំពាកឈីបជំនាន់ចុងក្រោយឱ្យវាផងដែរគឺ Snapdragon 8 Gen 2 ។ រីឯតម្លៃវិញក៏គេបានធ្វើការព្យាករណ៍ទុកដែរ ដោយ S23 Ultra នឹងចាប់ផ្តើមពីតម្លៃ 1,200ដុល្លារ, S23+ តម្លៃ 1,000ដុល្លារ, និង S23 តម្លៃ 800ដុល្លារ ហើយនេះគឺតម្លៃដែលព្យាករណ៍ថាអាចនឹងមាននៅ សហហរដ្ឋអាមេរិច។
Galaxy Book3 Series
ក្រៅតែពីការផ្តោតទៅលើ ស្មាតហ្វូន Samsung ក៏នឹងធ្វើការបញ្ចេញជាមួយនឹងប្រភេទកុំព្យូទ័រធ្វើការថ្មីផងដែរគឺត្រកូល Galaxy Book3 Series ដោយក្នុងនោះរួមមាន Galaxy Book 360, Galaxy Book3 Pro, Galaxy Book3 Pro 360 និងមួយទៀតគឺ Book3 Ultra។
យ៉ាណាមិញសម្រាប់កុំព្យូទ័រទាំង3ម៉ូដែលនេះគឺមានទំហំ 2880x1800px និបំពាក់មកជាមួយអេក្រង់ប្រភេទ AMOLED ដែលអាច Touch Screen បាន ជាពិសេសគឺបំពាក់មកប្រព័ន្ធប្រតិបត្តិការរបស់ Intel ជំនាន់ទី13ទាំងអស់។
ប៉ុន្តែសម្រាប់ម៉ូដែលខ្ពស់ជាងគេ Book3 Ultra គេរំពឹងថានឹងមាន Spec កប់ សមត្ថភាពខ្លាំង ដោយវានឹងមាន ប្រព័ន្ធបតិបត្តិការ Core i9-13900H, Nvidia RTX 4070 CPU, មាន RAM ឡើងដល់ 32GB រួមជាមួយនឹងទំហំ Storage ប្រភេទ SSD PCIe 4.0 រហូតដល់មួយ 1TB ផងដែរ។
គូសបញ្ជាក់ផងដែរថា សម្រាប់ព័ត៌មានខាងលើនេះគឺគ្រាន់តែជាការព្យាករណ៍ទុកតែប៉ុណ្ណោះដោយគេមិនទាន់ដឹងថា វានឹងច្បាស់ដូចការរំពឹងទុកនេះប៉ុន្មានភាគរយនោះទេ ដូច្នេះអ្នកទាំងអស់គ្នាអាចរង់ចាំតាមដានមើលការផ្សាយបន្តផ្ទាល់ពី Samsung ក្នុងព្រឹត្តិការ Galaxy Unpacked តាមរយៈលីងខាងក្រោមនេះបាន។
មើលព្រឹត្តិការណ៍ Galax Unpacked
អត្ថបទដោយ៖ រិន មករា