ថ្មីៗនេះក្រុមហ៊ុន Qualcomm បានធ្វើការប្រកាសបញ្ចេញឈីបកំពូលឈីបកម្លាំងខ្លាំងរបស់ខ្លួនគឺ Snapdragon 8 Gen 2 ដោយឈីបជំនាន់ចុងក្រោយនេះគឺគេផ្តោតខ្លាំងទៅលើ AI Performance ដែលអាចនិយាយបានថា វាដំណើរការខ្លាំងជាងឈីបជំនាន់មុនទៀត។
សម្រាប់ឈីប SD Gen 2 ជំនាន់ចុងក្រោយរបស់ Qualcomm នេះគឺគេរចនាមកដើម្បីបំពាក់នៅស្មាតហ្វូនប្រភេទ Flagship ហើយវាដំណើរការជាមួយនឹងប្រព័ន្ធធ្វើការរប់សឈីបដែលមានទំហំ 4nm។ លើសពីនេះទៅទៀតកម្លាំងរបស់ឈីបនេះអាចគាំទ្រជាមួយនឹងដំណើរការ 64bits និង 32bits ដូច្នេះមិនថាកម្មវិធីចាស់ៗមួយចំនួនក៏អាចដំណើរការបានល្អដែរ នេះបើតាមការចុះផ្សាយរបស់ 9 to 5 google។
បន្ថែមពីលើនេះទៅទៀតឈីបជំនាន់ចុងក្រោយ SD 8 Gen 2 នេះគឺអាចដំណើរការជាមួយនឹងប្រភេទ RAM 16GB LP-DDR5x 4200MHz មិនតែប៉ុណ្ណោះ CPU របស់វាអាចធ្វើការខ្លាំងជាងឈីប Snapdragon 8 Gen 1 ជំនាន់មុនរហូតដល់ 35% ឯណោះ។ ហើយខាងក្រោមនេះគឺជាម៉ាកទូរស័ព្ទដែលនឹងត្រូវបំពាក់ឈីបជំនាន់ចុងក្រោយរបស់ Qualcomm ។
OnePlus 11 Series
Oppo Find X Series
Motorola X40 Series
iQOO 11 Series
RedMagic 8 Pro
Samsung Galaxy S23 series
សម្រាប់ Samsung វិញជារឿងធម្មតាទៅហើយដែលប្រើឈីប Snapdragon របស់ក្រុមហ៊ុន Qualcomm ប៉ុន្តែសម្រាប់ប៉ូឌែល Galaxy S23 Series វិញគេមិនទាន់ច្បាស់ថានឹងអាចបំពាក់ជាមួយឈីប Snapdragon 8 Gen 2 ទេ តែគេរំពឹងថា Galaxy S23, S23 Ultra អាចនឹងបំពាក់ជាមួយនឹងឈីបនេះ។
អត្ថបទដោយ៖ រិន មករា
