ទីបំផុតការទន្ទឹមរងចាំ Tesla Semi ទាំងថ្ងៃទាំងយប់អស់រយ:ពេល ៥ឆ្នាំរបស់ក្រុមហ៊ុនលក់ភេសជ្ជ: Pepsi ត្រូវបានបញ្ចប់ត្រឹមពេលនេះហើយ ដោយសារតែក្រុមហ៊ុន Tesla បានផលិតរថយន្តនេះបានជោគជ័យ និងដឹកវាទៅដល់ដៃ Pepsi រួចស្រេចចំនួន ១០០គ្រឿង កាលពីថ្ងៃព្រហស្បត្តិ៍ ទី០១ ខែធ្នូ ឆ្នាំ២០២២ ក្នុងកម្មវិធី Tesla Delivery Event ។
យោងតាមប្រភពពីគេហទំព័រ engadget.com បានឲ្យដឹង រថយន្តកុងតាន័រចង្កូតកណ្ដាលអគ្គិសនី Tesla Semi ដែលបានបង្ហាញមុខមាត់ជាលើកដំបូងនៅឆ្នាំ២០១៧ ឥឡូវត្រូវបានផលិតយ៉ាងជោគជ័យ ខណ:ដែលមានក្រុមហ៊ុន ២ ធំៗ បានរងចាំអស់ពេល ៥ឆ្នាំ ហើយក្រុមហ៊ុនទាំង២ Pepsi និង Frito Lay ជាអ្នកជាកាន់សោរមុនគេបង្អស់ ។
Tesla Semi Truck launch in 5 mins! https://t.co/jG3s9wuVGb
— Elon Musk (@elonmusk) December 2, 2022
Tesla Semi ជារថយន្តកុងតាន័រអគ្គិសនីចង្កូតកណ្ដាល ដែលមានសមត្ថភាព អាចរត់បានចម្ងាយ ៥០០ម៉ាយ ឬ ៨០៤គ.ម ពេលសាកថាមពលពេញម្តង និងអាចអូសទម្ងន់បាន ៨០០០០ផោនឬ ជាង ៣៦តោន ។ ចំពោះតម្លៃវិញត្រូវបានគេដឹងថា ចាប់ពី ១៥ម៉ឺនដុល្លារ ទៅ ១៨ម៉ឺនដុល្លារ នៅក្រៅសហរដ្ឋអាមេរិក ចំណែកឯចម្ងាយរត់ក៏តិចច្រើនទៅតម្លៃ option ផងដែរ គឺចម្លោះពី ៤៨៣គ.ម ទៅ ៨០៤គ.ម ៕
អត្ថបទដោយ៖ព្រឹម ភក្តី
