ថ្មីៗនេះ ក្រសួងសាធារណការ និងដឹកជញ្ជូន បានប្រារព្ធកម្មវិធីសម្ពោធដាក់ឲ្យប្រើប្រាស់នូវស្ថានីយបញ្ចូលថ្មយានយន្តអគ្គិសនីធំជាងគេ នៅទីស្តីការក្រសួងសាធារណការ និងដឹកជញ្ជូន ដោយអាចសាកថ្មរថយន្តអគ្គិសនីក្នុងពេលតែមួយ បានដល់ ៦ គ្រឿង។ ឆ្លៀតឱកាសនេះផងដែរ ឯកឧត្តមទេសរដ្ឋមន្ត្រី ស៊ុន ចាន់ថុល បានប្រាប់មូលហេតុ ៣ អាចប្តូរការគិតរបស់ប្រជាជនខ្មែរងាកមកសម្លឹងរកប្រភេទយានយន្តអគ្គិសនី។
យោងតាមការបកស្រាយរបស់ ឯកឧត្តមទេសរដ្ឋមន្ត្រី ស៊ុន ចាន់ថុល ក្នុងឱកាសសម្ពោធដាក់ឲ្យប្រើប្រាស់នូវស្ថានីយបញ្ចូលថ្មយានយន្តអគ្គិសនី នេះ ឯកឧត្តមបានលើកឡើងនូវការចំណេញនៃការប្រើប្រាស់យានយន្តអគ្គិសនី ចំនួន ៣ គឺ៖
- រថយន្តអគ្គិសនីមានតម្លៃធូរថ្លៃ បើធៀបនឹងរថយន្តមួយទឹកនាំចូល គឺមានតម្លៃប្រហាក់ប្រហែលគ្នា និងពន្ធនាំចូលក៏ត្រូវបានបន្ថយអស់ ៥០%
- ជួយដល់បរិស្ថាន គ្មានផ្សែងពុលក្នុងទីក្រុង
- ចំណេញលើថ្លៃចំណាយលើថាមពល ដោយសារតែ ទូទៅរថយន្តប្រើប្រេងស្តាំ ត្រូវការចំណេញ ៦០ដុល្លារដើម្បីចាក់ឲ្យពេញធុងម្តង ប៉ុន្តែបើធៀបនឹងរថយន្តអគ្គិសនី ក្នុងសាកថ្មមួយពេញ ចាយលុយខ្ទង់ ២០ដុល្លារ ដូច្នេះបើគិតទៅចំណេញ ៣ដង ។
គួរជំរាបផងដែរ ក្រុមហ៊ុន BYD Auto industry បានកំពុងគិតគូរវិនិយោគដំឡើងស្ថានីយបញ្ចូលថ្មយានយន្ត ចំនួន ២០០គ្រឿងទៅកាន់ ទូទាំងប្រទេសកម្ពុជា។
