បច្ចុប្បន្ន នៅក្នុងស្រុកខ្មែរ ម៉ូតូគឺជាយានជំនិះលេខ១ ដែលប្រជាជនខ្មែរពេញនិយមជិះជាខ្លាំង សូម្បីតែគ្រួសារខ្លះមានឡានជិះច្រើនក្តី ក៏ត្រូវការម៉ូតូសម្រាប់ធ្វើដំណើរតាមដងវិថី ហើយណាមួយម៉ូតូ មានភាពងាយស្រួលជិះ មិនថាផ្លូវលំ ផ្លូវតាមខេត្ត ឬតាមជនបទនានា ជាពិសេសផ្លូវក្នុងក្រុង ដែលមានភាពចង្អៀតដែលឡានពិបាកនឹងធ្វើដំណើរ មានតែម៉ូតូតែមួយគាត់អាច កាចកុង បត់បែនតាមស្ថានភាពផ្លូវ ។
ជាក់ស្តែងដូចជាក្រុមហ៊ុន Peugeot ដែលជាក្រុមហ៊ុននាំចូលឡានប្រេនបារាំងដ៏ល្បីខ្លាំងបំផុតមួយក្នុងចំណោមប្រេនឡានទាំងអស់លើពិភពលោក បានសម្រេចនាំយកម៉ូតូប្រេនល្បី មានបច្ចេកវិទ្យាទំនើបទាន់សម័យ តម្លៃវិញក៏សមរម្យសម្រាប់ទីផ្សារស្រុកខ្មែរ ជាពិសេសសម្រាប់បងប្អូនដែលមានជីវភាពមធ្យម ក៏អាចមានលិទ្ធភាពទិញបានដែរ។
ចំណែកឯម៉ូតូបកកេសក្តៅៗ ដែលខាងក្រុមហ៊ុន Peugeot បាននាំយកមកនេះមានឈ្មោះថា Peugeot Django 150cc ដែលត្រូវបានផលិតឡើងដោយក្រុមហ៊ុនចាស់វស្សារ Peugeot បង្កើតឡើងតាំងទស្សវត្យន៍ ១៩៥០ និងមានអ្នកគាំទ្រច្រើនពាសពេញពិភពលោក។
យ៉ាងណាមិញ សម្រាប់ម៉ូតូប្រភេទ scooter មួយនេះត្រូវបានឌីហ្សាញឡើងបែប Classic កាន់សម័យ មានមាឌតូចល្មម អាចជិះបានគ្នា ២នាក់ ជាមួយកែបអង្គុយឌីហ្សាញឡូហ្គូ Peugeot បញ្ជាក់ពីនិមិត្តសញ្ញារបស់ក្រុមហ៊ុនផ្ទាល់ រចនាបែបក្រឡាៗ សាច់ពូកទន់ល្អ ងាយស្រួលធ្វើដំណើរ ជាពិសេសម្រាប់អ្នកជិះផ្លូវឆ្ងាយៗ ទៅតាមខេត្តផ្សេងៗ បើធៀបនឹងម៉ូតូដែលកំពុងចរាចរណ៍នៅស្រុកខ្មែរ គឺសឹងតែគ្មានកែបម៉ូតូ មានផាកសុខភាពងាយស្រួលអង្គុយបែបនេះឡើយ។
អ្វីដែលកាន់តែពិសេសសម្រាប់ម៉ាស៊ីនរបស់ម៉ូតូ Scooter នេះគឺមានកម្លាំងដល់ទៅ 150cc ខ្លាំងពីម៉ូតូ Scooter ផ្សេងៗ លើពីនេះក៏មានប្រព័ន្ធហ្វ្រាំឌីស ABS ជួលទប់លំនឹងបានល្អ នៅពេលចាប់ហ្វ្រាំងប្រញាប់ អមជាមួយនឹងអំពូលភ្លើងខាងមុខ ភ្លើងសញ្ញូ និងភ្លើងស្តុបក្រោយ មានភាពភ្លឺច្បាស់ល្អ ។ ចំណែកឯកង់របស់ម៉ូតូនេះដែរ មានទំហំ ១២អ៊ីញ ថែមទាំង គន្លតកង់ពីខាងមុខ-ក្រោយ គឺ ១៣៥០មីមីម៉ែត្រ ផងដែរ។
ទន្ទឹមនឹងផងដែរ ម៉ូតូ Peugeot Django កុងទ័រល្បឿនបែប Classic កាត់សម័យ ដោយបានបន្ថែមអេក្រង់ប្រភេទ LCD បង្ហាញព័ត៌មានបានច្បាស់អំពី ចម្ងាយផ្លូវ, កម្រិតសាំង,នាឡិកាសម្រាប់ម៉ោង, និងសីតុណ្ហភាពថែមទៀតផង។ មួយវិញទៀត សម្រាប់ Django គឺពេញនិយមខ្លាំងមែនទែនសម្រាប់ប្រជាជនបារាំង ជាពិសេសអ្នកមានៗ គឺគេចូលចិត្តជិះម៉ូតូ Scooter រាង Classic បែបនេះ ហើយណាមួយជាក្រុមហ៊ុនចាស់វស្សាបង្កើតឡើងតាំងពីទស្សវត្យន៍ ១៩៥០ មកម្លេះ។
បន្ថែមលើពីនេះ Django ជាប្រភេទម៉ូតូបញ្ជារអូតូ ដូច្នេះគឺមានកន្លែងសាកថ្មរន្ធ USB-C នៅផ្នែកខាងមុខក្បែរកន្លែងចាក់សោរ និងមានកន្លែងដាក់ស្រោមដៃធំទូលាយថែមទៀត។ Django ក៏មានជម្រើសពណ៌ ៥ ដូចជា Adventure green, Deep ocean blue, Dragon red, Micky white និង Racing green ។
បើយើងក្រឡេកទៅមើលកម្រិតនៃការស៊ីសាំងរបស់ Django នេះវិញ គឺសន្សំសំចៃខ្លាំងមែនទែន ក្នុង ១លីត្រ អាចធ្វើដំណើរបានចម្ងាយ ៤៥,១គីឡូម៉ែត្រ។ បើនិយាយពីតម្លៃរបស់ម៉ូតូ Peugeot Django ប្រៀបធៀបជាមួយមនឹងក្រុមហ៊ុនមួយចំនួនក្នុងស្រុកខ្មែរវិញ វាមានតម្លៃធូរថ្លៃជាងគេដល់ជាង ១,០០០ ដុល្លារ សម្រាប់ម៉ូតូមានកម្លាំង 150cc ដល់ 160cc ដែលមានតម្លៃខ្ទង់ ៤៨០០ដុល្លារ ។
ដូច្នេះសម្រាប់បងប្អូនដែលកំពុងរកទិញម៉ូតូថ្មី តម្លៃសមរម្យ អាចអាចរកមើល Peugeot Django 150cc នេះបាន ដោយឥឡូវនេះវាកំពុងដាក់លក់ក្នុងយើងដែរទ៕
សម្រាប់ព័ត៌មានបន្ថែមបងប្អូនអាចទំនាក់ទំនងតាមរយ:លេខទូរស័ព្ទ៖ 095 666 373/095 666 372 និងទាក់ទងសាកសួរព័ត៌មានតាមរយ:ផេកផ្លូវការ៖ Peugeot Motorcycle KH
អត្ថបទដោយ៖ ព្រឹម ភក្តី