មកដល់ហើយមហាព្រឹត្តិការណ៍ដ៏ធំជាងគេនៅប្រទេសថៃ គឺ Thailand International Motor Expo 2022 ដែលជាការតាំងពិព៌រណ៍ប្រមូលផ្គុំទៅដោយរថយន្តជាច្រើនមកពីគ្រប់ក្រុមហ៊ុនល្បីៗជុំវិញពិភពលោក ដោយបានធ្វើឡើងនៅ IMPACT Challenger នៅក្នុងប្រទេសថៃ ចាប់ពីថ្ងៃទី១ ដល់ទី១២ ខែធ្នូ ឆ្នាំ២០២២។ ជាក់ស្តែងនៅក្នុងកម្មពិធីពិព៌រណ៌នេះដែរ មានឡានអគ្គិសនីចំនួន ១០ ដែលជាប់ក្នុង Top 10 រួមមាន៖
BYD Dolphin
BYD dolphin គឺជារថយន្តប្រភេទ mini electric car hatchback style រូបរាងដូចសត្វផ្សោត បានបង្ហាញខ្លួននៅ Motor Expo 2022 ជាមួយនឹងម៉ូទ័រអេឡិចត្រិចដែលមានកម្លាំង 170 សេះ រត់ចម្ងាយអតិបរមា 405 គីឡូម៉ែត្រ ពេលសាកថ្មពេញម្តង។
BYD Seal
គឺជាម៉ូដែលមួយផ្សេងទៀតដែលត្រូវបានបង្ហាញនៅពេលនេះ។ ហើយវាជាម៉ូដែល BYD ដំបូងគេដែលប្រើបច្ចេកវិទ្យាថ្ម CTB (Cell-To-Body) ជាមួយនឹងការរចនាផ្នែកខាងក្រៅដ៏ប្លែករាងកោង ហើយក្នុងការសាកថ្ម មួយពេញអាចរត់បានចម្ងាយរហូតដល់ ៧០០ គ.ម ។
BYD Tang
សម្រាប់ BYD Tang ត្រូវបានចាត់ជារថយន្តប្រភេទ SUV ប្រភេទ Crossover ដែលមានការរចនាផ្នែកខាងក្រៅ "Dragon Face" ហើយសម្រាប់ឈ្មោះម៉ូដែល "Tang" មកពីភាសាចិន ដែលមានន័យថា "រាជវង្សថាង"។
Hyundai Ioniq 6
100% ឡានអគ្គិសនី ចាប់ផ្តើមជាមួយម៉ូទ័រអេឡិចត្រិច ផ្តល់កម្លាំង 217 សេះ កង់ក្រោយ។ ក្នុងការសាកមួយពេញអាចរត់បានចម្ងាយ 429 គីឡូម៉ែត្រ (ស្តង់ដារ WLTP)។
Kia EV6
គឺជារថយន្តអគ្គិសនីដ៏ប្រណិតមួយ ដែលភ្ជាប់មកជាមួយការរចនាបែបអនាគត ទាំងខាងក្រៅ និងខាងក្នុង។ជាមួយនឹងថាមពលអគ្គិសនីក្តៅ ជាមួយនឹងកម្លាំងម៉ូទ័រអគ្គិសនីរហូតដល់ 585 សេះ។
MG4 Electric
100% អេឡិចត្រិច hatchback ដំំណើរការដោយ FWD កង់ខាងក្រោយ។ ថាមពលពីម៉ូទ័រអេឡិចត្រិចផ្តល់ថាមពលចំនួន 170 សេះ ក្នុងការសាកមួយពេញរត់រហូតដល់ 425 គីឡូម៉ែត្រ។
Mercedes-Benz EQS 500
ជារថយន្តប្រើអគ្គិសនីសុទ្ធ 100% ដំឡើងនៅប្រទេសថៃ រួមបញ្ចូលគ្នានូវបច្ចេកវិទ្យាយ៉ាងទំនើប ស្តង់ដារអឺរ៉ុប មានម៉ូទ័រអេឡិចត្រិច 2 គ្រឿង អាចបង្កើតបានកម្លាំងបានដល់449 សេះ ប្រើប៉ុង២ ក្នុងការសាកមួយពេញអាចរត់បាន 702 គីឡូម៉ែត្។
Neta S
ជារថយន្តប្រើអគ្គិសនីសុទ្ធ 100% ប្រភេទsedan មានទ្វា 4 តែទ្វាខាងមុខអាចបើកដូចស្លាបមេអំពៅបាន អមជាមួយនឹងភ្លើងក្រោយ LED រាងអក្សរ T គម្របខាងក្រោយបែបស្ព័រ និងជាមួយនឹងម៉ូទ័រអេឡិចត្រិចខាងក្រោយ FWD ដែលមានកម្លាំងអតិបរមា 462 សេះ។
Neta U Pro
ជារថយន្តចិនប្រើអគ្គិសនីសុទ្ធ 100% ក្នុងការសាកថ្មម្តង អាចរត់បានចម្ងាយ ៦១១គីឡូម៉ែត្រ។
Ora Grand Cat
ដែលជាឆ្មាអគ្គិសនីចុងក្រោយបង្អស់ពីម៉ាក Ora មានភាពលេចធ្លោជាមួយនឹងការរចនាដ៏ប្រណិត និងទំនើប តួរថយន្ត 4 ទ្វារ រចនាប័ទ្មរថយន្ត Coupe បានដាក់តាំងបង្ហាញសម្រាប់ប្រជាជនថៃ។
អត្ថបទដោយ៖ ព្រឹម ភក្តី