ក្រៅពីប្រទេសហ្វីលីពីន នៅឆ្នាំ២០២៣ខាងមុខនេះ ប្រទេសម៉ាឡេស៊ីក៏ត្រូវបានគេរំពឹងផងដែរថា នឹងទទួលបានអ៊ីនធើណេត Starlink របស់កំពូលមហាសេដ្ឋី Elon Musk ផងដែរ នេះបើយោងតាមការចុះផ្សាយរបស់ malaymail។ ជាមួយគ្នានេះដែរប្រទេសម៉ាឡេស៊ី​ ត្រូវបានក្រុមហ៊ុន SpaceX អនុញ្ញាតឱ្យកក់លុយទុកមុនក្នុងតម្លៃ ៩៩ដុល្លារ។

ដោយឡែកប្រទេសហ្វីលីនពីនវិញក៏មិនខុសគ្នាដែរ សម្រាប់តម្លៃបង់ប្រចាំខែគឺ ៩៩ដុល្លារ ប៉ុន្តែតម្លៃទិញសម្ភារៈដើម្បីបម្រើឱ្យអ៊ីនធើណេត Starlink នេះគឺ ៤៩៩ដុល្លារ ដោយអតិថិជននឹងបានមកវិញនូវ ចានផ្កាយរណប, Wifi router, និងឧបករណ៍មួយចំនួនទៀត។

គូសបញ្ជាក់ថាបច្ចុប្បន្ននេះអ៊ីនធើណេត Starlink កំពុងគ្របដណ្ដប់សេវារបស់ខ្លួន ចំណួន៣២ប្រទេសនៅជុំវិញពិភពលោក ហើយប្រទេសដែលមានអ្នកប្រើច្រើនជាងគេនោះគឺ អាមេរិកខាងជើង អឺរ៉ុប នូវែលសេឡង់ និងអូស្ត្រាលីជាដើម។

អត្ថបទដោយ៖ ផែន ផាន់ណា