ក្នុងនោះផងដែរគេក៏រកឃើញផងដែរថាមានការដាក់ពាក្យបណ្តឹងជាច្រើនទាក់ទងជាមួយនឹងការលួចអត្តសញ្ញាណ​ក៏ដូជាកាក្លែងបន្លំទម្រង់មុខដើម្បីយកទៅប្រើប្រាស់នៅពេលដែលពួកគេធ្វើការពីផ្ទះឬការងារដែលត្រូវឆ្លើយឆ្លងតាមអិនធឺណេតដោយបញ្ចេញមុខ​ (Remote Work) ជាដើម។

លើសពីនេះទៅទៀតការងារប្រភេទ Remote Work ដែលគេប្រើបច្ចេកវិទ្យា Deepfake ដើម្បីបន្លំនោះគឺមានដូចជា Information Technology, Computer Programming, Database, Software និងការងារផ្សេងៗទៀតដែលពាក់ព័ន្ធជាមួយផ្នែកនេះ មិនតែប៉ុណ្ណោះអ្នកទាំងអស់នោះអាចមើលឃើញពីព័ត៌មានសំខាន់ៗរបស់អតិជនដូចជា ទិន្នន័យហិរញ្ញវត្ថុ ទិន្នន័យផ្នែក IT របស់ក្រុមហ៊ុន និងព័ត៌មានកម្មសិទ្ធជាដើម។

ម្យ៉ាងវិញទៀតមិនត្រឹមតែមានការក្លែងបន្លំចំពោះទម្រង់មុខនៅក្នុងវូដេអូនោះទេ ពោលគឺមានក្លែងបន្លំទាំងសំឡេងថែមទៀតផង ដោយឡែកការប្រើសំឡេងមិនពិតទាំងនោះគឺមិនសូវធ្វើចលនាត្រូវទៅទៅតាមសកម្មភាពមាត់ដែលកំពុងនិយាយនោះទេ។

មិនតែប៉ុណ្ណោះក៏មានជនរងគ្រោះជាច្រើនបានរាយការណ៍ថា មានការលួចយកទិន្នន័យរបស់គេក៏ដូចជាព័ត៌មានផ្សេងៗទៀតដើម្បីយកទៅដាក់ពាក្យធ្វើការដោយបន្លំព័ត៌មានទាំងអស់នោះដាក់ទៅមនុស្សម្នាក់ទៀត។

គូសបញ្ជាក់ផងដែរថា បច្ចេកវិទ្យា​ Deepfake នេះគឺអាចបន្លំទាំងមុខរបស់អ្នកក៏ដូចជាសំឡេងថែមទៀតផង ដូច្នេះអ្នកគួរប្រុងប្រយ័ត្នទៅលើការប្រើប្រាស់អិនធឺណេតតាមដែលអាចធ្វើទៅបាន។

អត្ថបទដោយ៖ រិន មករា