មកដល់យុគសម័យនេះមនុស្សភាគច្រើនគឺសុទ្ធសឹងតែមានទូរស័ព្ទប្រើប្រាស់គ្រប់ដៃជាពិសេសគឺប្រភេទស្មាតហ្វូនតែម្តង ពោលគឺប្រើដើម្បីធ្វើការប្រាស្រ័យទាក់ទងគ្នាក៏ដូចជាប្រើប្រាស់ដើម្បីកំសាន្តផ្សេងៗ ដោយឡែកប្រធានាធិបតីនៃប្រទេសមហាអំណាចរុស្ស៊ី លោក ពូទីន(Vladimir Putin) ដែលត្រូវការទំនាក់ទំនងច្រើនបែរជាមិនប្រើស្មាតហ្វូនទៅវិញ។
ដោយយោងទៅតាមការចុះផ្សាយរបស់ទីភ្នាក់ងារសារព័ត៌មានរបស់រុស្ស៊ី TASS កាលពីចុងឆ្នាំ2020បានឱ្យដឹងថា លោក ពូទីន មិនសូវជាមានពេលវេលាច្រើនប៉ុន្មានទេ ហើយពេលខ្លះលោកបានប្រើប្រាស់អិនធឺណេតម្តងម្កាលដែរប៉ុន្តែនៅតែមិនប្រើស្មាតហ្វូនដដែល។
ប្រភពដដែលក៏បានបន្តថាលោកប្រធានាធិបតី ពូទីន មិនមានពេលវេលាច្រើនក្នុងចូលទៅមើលក៏ដូចជាអាននូវរាល់ការចុះផ្សាយផ្សេងៗអំពីលោកឬបញ្ហាជាច្រើនទៀតដែលកើតឡើងជុំវិញខ្លួននៅលើប្រព័ន្ធអនឡាញនោះទេ។ ដូច្នេះបើទោះបីជាស្មាតហ្វូនបច្ចុប្បន្នមានភាពទំនើបយ៉ាងណាក៏លោកមិនមានពេលក្នុងការយកវាមកប្រើប្រាស់ដែរ។
អត្ថបទដោយ៖ រិន មករា
