អង្គការ NASA បានត្រៀមខ្លួនរួចជាស្រេច ក្នុងការប្រើប្រាស់យានអវកាសមួយគ្រឿងឈ្មោះ DART ដើម្បីបាញ់បំផ្ទុះអាចម៍ផ្កាយ បើសិនវាហោះមកកៀកនឹងផែនដី នៅថ្ងៃណាមួយ។ យានអវកាស Double Asteroid Redirect Test ឬ DART នឹងត្រូវប្រើជាឧបករណ៍បំផ្ទុះអាចផ្កាយមួយដុំ ដែលមានចម្ងាយមិនឆ្ងាយប៉ុន្មានពីភពផែនដី។
យោងតាមការចុះផ្សាយរបស់ foxweather បានបញ្ជាក់ដែរថា NASA នឹងបាញ់យាននេះ នៅថ្ងៃទី២៦ ខែកញ្ញា ឆ្នាំ២០២២។ អ្វីដែលពិសេស បេសកកម្មនេះគឺជាការសហការអន្តរជាតិ ដើម្បីការពារពិភពលោកយើង ពីផលប៉ះពាល់របស់អាចម៍ផ្កាយនៅពេលអនាគត។
NASA ក៏បានបញ្ជាក់ដែរថា ថ្វីត្បិតថាពេលនេះអាចផ្កាយមិនទាន់មានសកម្មភាពណាមួយ ដែលគំរាមកំហែងដល់ភពផែនដីក៏ដោយក្ដី ប៉ុន្តែនេះគឺជាបេសកកម្មសាកល្បងមួយលើកដំបូងរបស់ពិភពលោក ដោយប្រើបច្ចេកទេស Kinetic ចូលទៅក្នុងយានអវកាស ដើម្បីសង្គ្រោះផែនដី។
អត្ថបទដោយ៖ ផែន ផាន់ណា
