WHN បាននិយាយនៅក្នុងសេចក្ដីថ្លែងការណ៍មួយថា ជំងឺរាតត្បាតនេះកំពុងរីករាលដាលយ៉ាងឆាប់រហ័សនៅទូទាំងទ្វីបជាច្រើន។ យ៉ាងណាមិញ មូលហេតុដែល WHN ប្រកាសថាអ៊ុតស្វាគឺជាជំងឺរាតត្បាត គឺដើម្បីសម្រេចឱ្យបាននូវការប្រយុទ្ធប្រឆាំងរួមគ្នាទូទាំងប្រទេស ឬជុំវិញពិភពលោក ក្នុងន័យចូលរួមការពារគ្រោះថ្នាក់ដែលបង្កពីការរីករាលដាលមួយនេះ។

គួរជម្រាបផងដែរថា៖ ពេលនេះនៅក្នុងប្រទេសអាស៊ាន ក៏បានរកឃើញករណីអ៊ុតស្វានេះហើយដែរ នោះគឺប្រទេសសិង្ហបុរី។ បើយោងតាមការចុះផ្សាយរបស់ គេហទំព័រសារព័ត៌មានសិង្ហបុរី Channel News Asia ចេញផ្សាយដោយដកស្រង់សេចក្ដីប្រកាសព័ត៌មានរបស់ក្រសួងសុខាភិបាលសិង្ហបុរីបានឱ្យដឹងថា សិង្ហបុរីមានករណីអ៊ុតស្វាដំបូងគេបង្អស់ដែលជាករណីនាំចូលមកពីក្រៅ ដែលអ្នកជម្ងឺដែលកើតអុតស្វានោះត្រូវបានគេស្គាល់ថា ជាបុរសសញ្ជាតិអង់គ្លេសធ្វើការជា បុគ្គលិកបម្រើការលើយន្តហោះ។

អត្ថបទដោយ៖ ផែន ផាន់ណា