បើយោងតាមការបង្ហោះនៅលើផេកផ្លូវការរបស់រដ្ឋមន្ត្រីក្រសួងបរិស្ថាន ឯកឧត្ដមសាយ សំអាល់ បានឱ្យដឹងថា កម្ពុជាបានរកឃើញផូសីលឆ្អឹងសត្វដាយណូស័រ នៅលើទឹកដីកោះប៉ោ ខេត្តកោះកុង ប៉ែកនិរតីនៃប្រទេសកម្ពុជា ខណៈផូសស៊ីលនេះ ត្រូវបានរកឃើញជាលើកដំបូង មិនធ្លាប់មាននៅកម្ពុជា។
បើតាមការបញ្ជាក់របស់លោករដ្ឋមន្ត្រីបានសរសេរនៅលើផេកផ្លូវការថា “ផូស៊ីលឆ្អឹងដាយណូស័រដំបូង ដែលរកឃើញនៅស្រុកខ្មែរ លើទឹកដីកោះប៉ោ ខេត្តកោះកុង”។
គូសបញ្ជាក់ថានៅលើទឹកដីខេត្តកោះកុងគឺជាខេត្តមួយ ដែលស្ថិតនៅក្នុងប៉ែកនិរតីនៃប្រទេសកម្ពុជា និងជាខេត្តដែលជាប់សមុទ្រ ដូចទៅនឹងខេត្តកែប កំពត និងព្រះសីហនុដែរ៕
អត្ថបទដោយ៖ ផែន ផាន់ណា